Sapa : Birzady berk belle hiç ejizleme eliñdäkini alsalaram mañlaýyñdakyny alyp bilmezler

 Özümiziňki
 Jasmin [off]
 12.06.2025 / 23:04

Ulumsylyk


Adam öz-özüni ýokarda tutar,
Ulumsylyk gelip, beýnä çolaşsa.
Daşynyň gymmaty ýuwaşdan gutar,
Ol ýerden gitmäge ýalňyş ýol açsa.

Töweregi diňe pesde hasaplar,
Her kişini aýak asta getirip.
Göwnüne uzyn bir taýagy saplar,
Göýä göwresini bilse ýetirip.

Başarmajak işi agzyndan çykar,
Käşgä özün çaky bilen öwsedi
Sözünde çynar dek agajy ýykar,
Iň bolmanda şahasyny döwsedi.

Ötünç soramany kiçilik biler,
Öz günäsi üçin ýalbartmak islär.
Sataşan köp kişiň köňlüni diler,
Düşünmän kalbyna hapalyk beslär.

Saýlamaň! Hiç haçan beýle gylygy,
Durmuş senden bir gün sorar hasabat.
Alaýsaň "Aşak düş" diýen bir salgy,
Şonda ulumsylyk erbet hasap et.

Begli Hangeldiýew

Teswir ýazmak üçin Içeri giriň ýa-da Agza boluň →!