Yekejelai : Esasy zat sen bagtly bol, men kimi söýsemem bagtly ederin.

 Özümiziňki
 Hyyalbent [off]
 Düýn, 14:18

Gün ýüzün görmedik ýüregim bar meň,
Köçelerne yns-jyns aýak sekmedik.
Ertir-agşam ýaňlanyp dur şol bir heň,
Başga heňi öwrenmändir akmajyk.

Gözleri bar ynsanlardan öýkeli,
Arzyly myhmany şatlykdyr, gülki
Başarmaýar özgelere öýkünip,
Ýyllaryň çarhynda üýtgänok görki.

Damar-damar dolup akýar duýgular,
Saçagynda bolsa gyzgynjak mähir.
Aşagynda galyp gussa-gaýgylaň,
Bes edip, uklaýyn diýýär kä mahal.

Arzuwlarnyň ganatlary ütülen,
Umytlary dag-u-daşyň astynda.
Ýarym göwni ýalanlardan utulan,
Beýle kysmat berilmändi aslynda.

Mysgal bagtdan lezzet alar, şa ýaly,
Ynjamagna ýeke bakyş ýeterlik.
Ýagşy-ýaman amallarmyň şaýady,
Ýüregim bar - açylmadyk materik.

© Süleýman TEKÄÝEW

Teswir ýazmak üçin Içeri giriň ýa-da Agza boluň →!