MEGAFON : akyl durmysyn gorki gyz ene atan

 Gytyndan
 Aixcam_nx [off]
 24.06.2025 / 18:44
 Raionymyn ovadanjasylai_nx

Sen öwretdiň

Seň özüň öwretdiň nädip ýanmagy,
Indi lowlap ýanýan sönüp bilemok.
Sen öwretdiň ganat-persiz uçmagy,
Mydam uçýan indi gonup bilemok.


Sen öwretdiň ýagmyr bolup ýagmagy,
Dynman ýagýan indi diňip bilemok.
Seniň barlygyňda ýeňýärdim mydam,
Indi bolsa käte ýeňip bilemok.


Sen öwretdiň ýürek bilen gülmegi,
Indi ýürek bilen gülüp bilemok,
Sen öwretdiň mydam bile bolmagy,
Bu gün bolsa sensiz oňup bilemok.


Ine indi başy çaşan diwana,
Asyl öz-özüme gelip bilemok.
Seniň ýoklugyňda her pursat ölýän,
Emma welin baky ölüp bilemok .

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!