Nesip : Toýa bar, “bermedi” diýme, ýasa bar, “görmedi” diýme!

Premium
 Sebap [off]
 24.06.2025 / 19:27
 Lekum dinukum we liýe din

Bir akyldar: «Adamyň beýnisiniň ösmegi üçin iýmitiň gerek bolşy ýaly, ýüreklerem paýhas bilen iýmitlenip durmalydyr» diýipdir.
* * *
«Nähili adamlaryň akyl-paýhasly bolmagyny isleýärsiniz?» diýen sowala Hysrow patyşa: «Duşmanlarymyň» diýip jogap beripdir. «Sebäbi akylly adamlary erbetlik etmäge itermek kyn» diýibem sözüniň üstüni ýetiripdir.
* * *
Hysrow patyşadan: «Ogullaryňdan haýsyny gowy görýän?» diýip soranlarynda: «Beren sözünde tapylýanyny, masgaraçylykdan gaça durup, häzirki derejesinden has belende ýetmäge ymtylýanyny» diýip jogap beripdir.
* * *
Hindi akyldary: «Bu dünýäniň gyzygy edil deňziň suwy ýalydyr, adam näçe köp içdigiçe, şonça-da beter suwsaýar».
Gündogar pähimleri

Üç zat yzyna dolanmaýar: wagt, söz we mümkinçilik. Şonuň üçin hem wagtyňy boş geçirme, diýjek sözleriňi saýla we mümkinçilikleri sypdyrma.
* * *
Hiç haçan ýykylmadyk adam däl-de, ýykylansoň, gaýtadan aýaga galan adam beýikdir.
Eduard GRIBBON

* * *
Dünýäde iň kyn üç zat bar: syr saklamak, ýamanlygy unutmak we wagtyňy peýdaly ulanmak.
* * *
Ot – altyny, kynçylyklar bolsa, adamyň çydamlylygyny synaýandyr.
Italýan pähimi.

Toplan Dünýägözel ÇARYÝEWA

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!