Öwreniji
 bagabat [off]
 15.07.2025 / 14:46

Dostum bilen bir gezek kofe süzen bolup, pinekläp otyrys. Keýpimiz ýyldyza toýnak salýar, şonuň üçinem biz myssyjakdan-myssyjak gürrüňler tapyp, äwmezek warsaky urýarys.
-Sen bir akylly adam, köp kitap okan adam,-diýip dostum gepe başlady. Men bu hemmelere aýan bolan, mese-mälim hakykaty jinnek ýalam inkär etmedim :-) (smaýlik belgijigini goýmasaň indi okaýanlar, degişýändigiňe düşünmeýänden bolupdyrlar). Dost dowam etdi:-Şoň üçinem hany bakaly, sen maňa tutuş dünýä edebiýatynyň mazmunyny ýekeje sözde beýan edip bilersiňmi?
-Kesek ederin,-diýdim men.
-Aýt onda,-diýip ýüzüne Güne tutup, güneşläp oturan dostum, bir gözüni çala yşyradyp, maňa gyýtaryldy.
-Jebir,-diýdim.
Dost düşünmedi.
“Dowamy?” diýýän terzde birtaý gaşyny gerip, soragly äňetdi. Men kofämden owurtladym-da, ýaltalyk bilen açyklap berdim:
-Üçüň biri hökman jebir çekýär: ýa awtor ýazjak bolup bihuda güzap baryny görýär, ýa personažlar bütin sýužetiň dowamynda hunaba ýuwudýar, ýa-da okyjy okajak bolup ezýet çekýär.
Dostum birsellem kelam agyz geplemän dymyp oturdy-oturdy-da, hüňürdedi:
-Jüpüne düşenem ýaly, düşmedigem ýaly... Gowusy anekdot aýtsan-aý, dos!
Men näzimi artdyryp durman, henege başladym:
-Biri menden sorady: “Agam, bu ýazýan zatlaryňy nireden oýlap tapýaň-aý?”. “Kellämden” diýdim, soňam yzyna goşdum: “Ýöne muňa-da şükür, eger-de dyzymdan ýa-da injigimden oýlap tapmaly bolan bolsa näderdim?!”.
Dost gülmedi.
Menem: “Näme gülmeýäň?” diýibem soramadym. Sebäbi bilýän: gülkünç bolsa adamlar hökman gülýär, aglagynç bolsa-da aglaýar.

Teswir ýazmak üçin Içeri giriň ýa-da Agza boluň →!