Gadayly : Herkime nesip etsin Ôz sôÿen gyzy bn Bagtly bolmak Gadayly

 Täzeje
 Guljeren [off]
 Şugün, 14:30

Suraÿ Babanyÿazowa / Nirede bolduň?

Älem ses edende, dünýe saýranda,
Eliň tutup gürleşesim gelende,
Her kişi ýarynyň waspyn söýlände,
Meňem saňa birleşesim gelende,
Nirede bolduň?

Tokaýlyklar öreninde saçyny,
Saçlarymyň örülesi gelende,
Arzuwym sygmansoň janyň içine,
Ýüregimiň ýarylasy gelende,
Nirede bolduň?

Çarpaýa galanda wepaly bedew,
Ýakynyňda duýulasym gelende,
Saňa wepam doly gursagmy açyp,
Ah, şeýle bir söýülesim gelende,
Nirede bolduň?

Ýaşyl otlar gurşanynda daşyňy,
Ömrüm saňa duşurasym gelende,
Goýara ýer tapman ýalňyz başymy,
Diňe saňa gowşurasym gelende,
Nirede bolduň?

Geldiň bu gün, gözüm üste ornuň bar,
Ýok wagtyňam goşa didede bolduň,
Ümsümlikde, gara gijede bolduň,
Ýöne saňa juda mätäç mahalym,
Nirede bolduň?

Teswir ýazmak üçin Içeri giriň ýa-da Agza boluň →!