Gerekli
 Adminka [off]
 20.03.2024 / 06:45
 Жизнь шутит а мне не смешно

Öňki döwürlerde bir kazynyň görmegeý, berdaşly alym we takwa ogly bar eken. Bir gün şol juwan ýigit aradan çykypdyr. Kakasy onuň ölümine köp ahy-perýatlar edip, ýanyp-köýüp ýörüpdir. Şondan soň ol ýüregindäki hasrat oduny köşeşdirip bilmän, sabyr-takatdan daş düşüp, kazylyk mejlisine barmandyr. Musulmanlaryň meselelerini çözmek işi agsap başlapdyr. Bir tersa kişi onuň ýanyna gelip:

— Musulmanlaryň kazysyna bir soragym bar, kerem-sahawatyňyz bilen jogap bermegiňizi haýyş edýärin — diýipdir. Ol:

— Sora, näme islegiň bar?

— Näçe ýyl bäri kazy bolup işleýärsiň?

— Elli ýyl bäri.

— Eger sen ýasawulyňy iş bilen bir ýana ugratsaň, ol hem seniň ýanyňa gaýdyp gelmän, saňa boýun bolmasa, onuň bu hereketini bagyşlarmydyň?

— Ýok.

— Eý kazy, Ýaradan saňa bir perzent berdi we ol hakyndaky ýazgydyny amala aşyrdy. Näme üçin Onuň hökümine razylyk görkezmeýärsiň?

Kazy bu sözlerden soň, akylyna aýlanyp, ýüregi rahatlanýar. Şondan soňra ol wezipesini birkemsiz berjaý etmäge başlaýar.

Teswir ýazmak üçin Içeri giriň ýa-da Agza boluň →!