Ýürekdeş sözler!
DOSTLAR BILEN ÜÝŞÜLENDE...
ÖzümiziňkiDaniel [off]
02.12.2025 / 09:20
Her kynçylykdan soñ , ýeñillik bar!
Göwün kosmos deýin uçar,
Dostlar bilen üýşülende.
Ýüzlermizi şatlyk guçar,
Dostlar bilen üýşülende.
Gürrüñ gyzar goşgy hakda,
Kerim, Halyl başga hakda,
Bir aşygyñ yşgy hakda...
Dostlar bilen üýşülende.
Köz üstüne düzler çişlik,
Towuk soýlar, bişer daşlyk.
Ýaşlygmyza goşar ýaşlyk,
Dostlar bilen üýşülende.
Demläp tanka çaýyñ gögün,
Degşip (saklap dostluk çägin).
Gurarys toý (kiçirägin)
Dostlar bilen üýşülende.
Paýlanyşar derdu-gamlar,
Çözgüt tapyp, üsti gömler.
Bir pursatlyk bagta çümler,
Dostlar bilen üýşülende.
Gazal aýdyp, tar kakylar,
Ýönekeý däl, zor kakylar.
Çilimsizem keýp çekiler,
Dostlar bilen üýşülende.
Beýik Lukman Hekim ýaly,
Şat gün goşsak ömre sany,
Görmek bolar müñ ýaşany,
Dostlar bilen üýşülende.
 163 |
 14 |
 1 |
 3 |
 0 |
 0 |
 0 |
Teswirler:
TäzejeAbdylla19 [off]
02.12.2025 / 10:51
+2
,, Gowun kosmos deyin ucar" diylip bashlanyan shygyrda shahyr agzybirligiñ gadyr-gymmatyny wasp edyar. Aram-aram gowun soyen dostlaryñ bilen sohbetleship oturmak dunyañ aladasyny mydama bashy gamly kishiniñ bir dem bolsa-da bashyndan sowyar. Shygyr akgynly hem yazylan. Berekella!
Soňky teswirler
Ykbal Sazagy
Sen su adamlara samsykdyr oydyanmi? Emeli ana yazdyran bolgusyz gosgularyndan doldurylyan yer dal barsi. Indi seytsen pozjakdyryn....dowamy...
IDEALLIDER-iň toplan söýgi setirleri 4.
Şasenemiň ejesi näme üçin söýgi ýok diýip Garyp çagaň ýüzüne mälçilledip urýaka? Bu ýazylan aýdylanlardan hawary ýokdumyka o bendäň çagasy...dowamy...
