ÖzümiziňkiBasmacy [off]
06.12.2025 / 23:12
Biziň azap çekmedik zadymyz, biziňki däldir...
Şahyr Gurabannazar Ezizowyň
"Entäk sadalykdan zyýan çeken ýok,
Sada bolsun ogluňyz hem gyzyňyz"
- diýen ajaýyp goşgusyndaky "sadalyk" hakynda häzirki , döwürdeş şahyrlaň biri "bu döwürde sada bolsaň näme etjekleri belli däl" diýen ýalyrak jogap ýazypdyr. [Ol goşgynyň ady we awtoryny bilemok, kim bilse goýaýsyn]. Tipo "şahyrym, sen ýalňyşypsyň öýdýän, bu döwürde sadalara gün ýok, sada bolsaň adamlar depäňe çykýar" diýen ýalyrak äheňde ýazylypdyr. Bu hakykatdanam şeýlemi?!
Geliň, şu gün şol sadalyk diýilýän [sada kim?, sadalyk näme?] düşünjäni derňäp göreliň....
Sadalyk diýilse häzirki adamlaň düşünýän zady -
lapuh;
gulagyny sallap ýören;
Oýnatgyrak;
Ynanjaň;
- biri şekillenýär...
Sadalyk aslynda her bir ynsanda bolmaly häsiýet. Ynsany ynsan edýän aslynda şol - Sadalyk. Ony ýitirse, ynsanylygynda nogsanlyk bar diýip hasaplap bolar.
Gynansagam, häzirki döwürde sadalyk - ejizlik bilen çalşyrylýar.
Özümden mysal alsam - tanyş bolsun, nätanyş bolsun hemme kişi bilen bir bolşumy saklaýan. Emma, sadalygymdan peýdalanýanyny bilenimden soňra, hiç zady düşündirmän, sesimi çykarman gidýän.
Adalat bolsun diýýän, adalat üçin göreşýänlerem sadalardyr. Sebäbi olar diňe özüni bilenok. Hemişe gowluk bolsun diýýä, hemmäniň gowy adam bolmagyny isleýär.
Adalat üçin göreşýänlere hemişede kyn bolupdyr.
Emma bizem adam, hemişe daş b.n urýanlary aş bilen urup bilemizok. Muny geçmişde öwlüýäler, pirler eden bolmagy mümkin. Emma biz öwlüýä däl. Käwagt boýnuňa çykjak bolýanlary ýykyp, düňdermelem bolýar.
Häzirki döwürde mähriban bolmak, sada bolmak - uly güýç. Edepsiz we gödek bolmak itiň aňsady. Muny hemme başarýar (oňa hemme şertler bar).
Çynyň bilen içiňden ýagşylyk etmek, ýagşylyk islemek her kimiň başarjak zady däl. Bu öz-özünden bolonok.
Soňabaka şeýdip aramyzdan ýagşylygam ýitip gidýär. Sebäbi bu dowürde ýagşylyk edýänlerem sada hasaplanýar.
Tak çhto - Sadalyk ejizlik däl.
 146 |
 22 |
 4 |
 5 |
 0 |
 0 |
 1 |
ÖzümiziňkiGulmahrem [off]
06.12.2025 / 23:58
+0
Her bir sylag-hormata sarpa goýýan adam sadadyr
TäzejeBEGENJOVNA [off]
07.12.2025 / 00:36
+0
Durmushda nahili gowy adam bolsañyzam, bir gun adamlañ ozi yaly bolmaga mejbur bolarsyñyz.
ÖzümiziňkiBasmacy (07.12.2025 / 07:30)
BEGENJOVNA, Mysal üçin?!
TäzejeBEGENJOVNA (07.12.2025 / 13:09)
Basmacy, hemme zady bagyslap bolanok ony durmush owretya.
Premium
Ahmal [25s] Old school
07.12.2025 / 10:23
+1
[sa:dalyk]
1) Çylşyrymly dällik, ýönekeýlik, aňsatlyk.
∙ Ol aldajak wagtynda özüniň işini örän sadalyk bilen başlap, sadaja işler eder ekeni. («Sowet edebiýaty» žurnaly)
2) Salykatlylyk, hoşgöwünlilik, ýönekeýlik.
∙ Artyk onuň keşbinde sadalykdan başga bir zat görmedi. (B. Kerbabaýew, Aýgytly ädim)
Ýazuw düzgüni: Soňuna çekimli ses bilen başlanýan goşulmalar ýa-da -rak goşulmasy goşulanda, k sesi g sesine öwrülýär.
Meselem sadalyk - sadalygy.
Ýöne şahyr bu ýerde sadalyk sözüni kämilligiň özeni hökmunde ulanypdyr. Asylam köp eserlerinde şol manyda ulanýar.
Meselem:
Güýz — bu kämilligiň alamatydyr,
Kämillikden dogan sadalykdyr ýaz.
ÖwrenijiGood [off]
07.12.2025 / 12:24
+1
Sadalyk — göwni gözellik. Şahyryň aýdanyny häzirki döwür bilen deňeşdirip dogry getirip bilmeýänler köp elbetde. Ýöne şahyryň aýdýan, düşünýän sadalygy ol hakyky sadalyk. Sada adam hatda göwnüne degiji sözi, hereketi hem göwnüne degjek bolup diýýändir, edýändir öýdenok. Hemişe diňe gowy taraplary görýär. Gowy niýetde, gowy düşünjede, göwnüni hapalaman gezýär. Adam bolmagyň esasy sypatam şu aslynda. Köp adam bolsa @Basmacy agzaň aýdyşy ýaly sadalyga nädogry düşünýäler. Şeýdibem durmuşda hemme biri-birine şübheli seredýär. Aýdan, aýdýan gepiňi, edýän hereketiňi nädogry tarapa çekýäler düşünjäňe döneýinler... Tanyş-bilişlerimiziň arasynda seýrek bolsa-da, sada, göwni arassa adamlaryň barlygyna şükür.
Ykbal Sazagy
Sen su adamlara samsykdyr oydyanmi? Emeli ana yazdyran bolgusyz gosgularyndan doldurylyan yer dal barsi. Indi seytsen pozjakdyryn....dowamy...
IDEALLIDER-iň toplan söýgi setirleri 4.
Şasenemiň ejesi näme üçin söýgi ýok diýip Garyp çagaň ýüzüne mälçilledip urýaka? Bu ýazylan aýdylanlardan hawary ýokdumyka o bendäň çagasy...dowamy...
