Ýürekdeş sözler!
DILEG...
ÖwrenijiGulmahrem [off]
Şugün, 16:30
Gursagyňyz dünýä ýaly giňesin,
Nebsiňiz gysym deý, dar bolsun hernä.
Akyl bilen utuň durmuş hilesin,
Size gowy günler, ýar bolsun hernä.
Biz hemmämiz ýalňyşdyk öz döwründe,
Şol ýalňyşlar sanjy indi böwrüňde,
Haram işler tapylar her öwrümde,
Sogapdan paýyňyz bar bolsun hernä.
Hiç kim bir-birinden ýüzün sowmasyn,
Tersleşenler arasyny gowlasyn,
Dogan-daganyny görmän oňmasyn,
Gelimli-gidimli tör bolsun hernä.
Bärde syrly zat ýok düşünmez ýaly,
Her geçen günüňde bolmaly many
Oýnatsaň, oýnaýar wepasyz pany,
Bizde namys bilen, ar bolsun hernä.
Ömrüňiz ötmesin abyr-zabyrda,
Şu gün diri bolsaň, ertir gabyrda,
Puluňa, malyňa zat ýok aňyrda,
Hakyky dünýämiz nur bolsun hernä.
Ýazmyrat ÇÖRLI
 20 |
 12 |
 3 |
 5 |
 0 |
 0 |
 1 |
Teswirler:
Täzejearzy [off]
Şugün, 18:56
+0
Ýetireniňe minnetdar, gowy goşgy!
ÖwrenijiDaniel [off]
"Ömrüňe bereket, bersin Allahym! Ol ýüzleriň gülsün, ýylgyrsyn baky!"
Şugün, 19:02
+0
Ajayyp goşgy!
Sagboluñ hernä @Gulmahrem
TäzejeAbdylla23 [off]
Şugün, 19:56
+0
Täsirli goşgy
Soňky teswirler
Sen düşýärsiň ýadyma
,, Sulleripdir ekip giden gullerñ" setirine garasañ aşykdan ayralyk umyt-tamalaryñ çygryndan çykyar. Şahyr gyz yhlasyñ hem wepadarlygyñ syrtmagy...dowamy...
Sen düşýärsiň ýadyma
Ayna şahyryñ ,, Sen duşyarsiñ yadyma" diyen goşgusy gyz kalbynyñ ahmyrly yurek owazydyr. Her setiriñ arasynda koyen arzuwyñ ÿañy ÿañlanyar....dowamy...
