Özümiziňki
 Daniel [off]
 08.12.2025 / 20:51
 Her kynçylykdan soñ , ýeñillik bar!

Dokuz pelegi gezipsiň,
Ak ýagyş, melek nagmasy!
Ýeriň bykynyn ezipsiň,
Gögüň dertli dogmasy.

Alkymynda suwly salmaň
Çypar tallar sülmüräpdir.
Ysgyny-mejaly galman,
Zeminiň haly harapdyr.

Barýan, dem dürsäp ýadasam,
Durasym-a gelenok teý.
Boýnunda betbagt kädisi,
Ýola düşen galandar deý.

Älem içre çapalaýaň,
Nara salyp zybanymy.
Köne ýaram köwçeleýäň,
Yşga berip pyganymy.

Ýagyp keýpi çaglaýanmy,
Derdim janyňa batýamy?
Ýa halyma aglaýaňmy,
Ýa ýöne agyň tutýamy?!

Awtor: Şähribossan

@Daniel agzañ başga mowzuklaryny okamak üçin aşakdaky ssylka bilen geçin!
• Ahli mowzuklary •

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!