Täzeje
 yurekdesh [off]
 Şugün, 17:23

Köçäniň ugrunda  pyşyrdap barýan,
Käte özüm bolup, käte sen bolup.
Wagty kowalaýan başagaýlara,
Boýnum burup bakýan, eserdeň bolup.

Göwnüme geýinip geläýjek ýaly,
"Günebakar gülli" sary köýnegi
Bogazyňa salyp diýäýjek ýaly :
"-Bagyşladym.
Öňkiň ýaly söý meni!"

Hyýalymda bașyň goýup döşüme.
Gizleýän, ýatlaryň didelerinden.
Sen bolup, özüme göwünlik berýän :
"- Seniñ deý söýýän ýok .
Idemerin men."

Ynha şeýdip seň gaşyňa howlukýan,
Büdürän daşymyz aýyrmak üçin.
Ýykylmajak arzuwlardan köşk gurup,
Gözýaşly düýşlerden oýarmak üçin.

Sägindim, bir ýerden tanyş ses geldi,
"Edil tamda gulak barmyş diýileni".
Gabadymdan, sorag bolup sen gelýäň.
.... Sary köýnekli däl, sary öýmeli.
Kemal Meretdurdyýew

Teswir ýazmak üçin Içeri giriň ýa-da Agza boluň →!