ABONENT-2 | YekeTak.Ru

Ýürekdeş sözler!

Sebap : En büýük aşklar nefretle başlar

Forum | GÜRRÜŇDEŞLIK | Erkin mowzuklar

ABONENT-2

Özümiziňki
Gulmahrem [off]

15.12.2025 / 14:50

Amangeldi:

Şu gezegem jaňa jogap bolmasa,
Köýjegim hak, ýanjagym çyn ataşda.
"Abonentiň telefony öçürlen
Ýa-da hyzmat ediş çäginden daşda".

Gülmährem:

Ýene bir gez synanşyp gör, jaň et-de,
Ýanyp-köýüp, tutaşma sen ataşda,
Abonent telefon öçürlen bolsa,
Diýmek, hyzmat ediş çäginden daşda.

Amangeldi:

Şeýle bir owadan siziň sesiňiz,
Ýöne diýenňizi gaýtalap durmaň!
Heý, bir alaç tapylmazmy, gelneje,
Men başga biriniň sesine gurban.

Gülmährem:

Aýdyp durmak, şol bir zady gaýtalap,
Borjum, hyzmatda men bolýan jan serek,
Elbetde alajy tapylar onuň,
Sesin eşitmek üçin tölemek gerek.

Amangeldi:

"Hormatly müşderi, açyň belgini,
Hyzmat ediş çägindenem daşlaşmaň"
Gaýtam şeý diýiňde käýäň, gelneje!
Siz ol gyzyň oýunlarna gatnaşmaň!

Gülmährem:

"Hormatly müşderi, hasabyny siz,
Töläp berseňiz, ol belki, daşlaşmaz"
Diýip, men size maslahat bersem,
Gowy boljak, hiç bir oýna gatnaşman!

Amangeldi:

Telefonam bilgeşleýin öçürýär,
Iki söz kän, bir sözem az, öýkelek.
Menem indi ýardan habar gelmese,
Dönüp barýan ýel degmedik ýelkene.

Gülmährem:

Telefonam bilgeşleýin öçürse,
Bir ýarym söz bilen göwnün tapjak bol,
Ýa-da ýardan habar gelmese, haýyş!
"Altyn asra" bergisini ýapjak bol!

Amangeldi:

Bir alajyn tapyň, heniz giç dälkä,
Abonentiň telefonyn açdyryň!
Ýüregimden päk söýgini öçürse,
Bagtly ediş çägindenem daşdyryn.

Gülmährem:

"Bir alajyn tapdyk" hasap edäýgin,
Kömek bolsun, telefonyn açarys,
Ýürekdäki päk söýgini öçürme,
Toýuňyzda üýşüp, süýji seçeris!