Forum | UMUMY BÖLÜM | Şygyryýet dünýäsi

Oglan;

Ýañy bir güýz düşen çagy,
Howlukdyñ-da goýduň gyşda.
Ýüzüm sowuk, kalpda agy,
Sen ýene-de menden daşda.

Gyz;

Hawa, şonda güýz çagydy,
Göwne degdiň, goýdum gyşda.
Göwnüm sowuk, gözüm ýaşly,
Men şoň üçin senden daşda.

Oglan;

Müñ ters hyýal höküm sürýär,
Öñ terslikden çatlan başda.
Göz geljegmi gara görýär,
Sen ýene-de menden daşda.

Gyz;

"Güman aýrar, imanyňdan",
Seresap bol, owal başda,
Geljegimizde näme baryn,
Bilmek üçin durýan daşda.

Oglan;

Tersleşipdik öñlerem kän,
Ýaraşarys indem paşsa.
Ownuk aýralygam nep däl,
Sen ýene-de menden daşda.

Gyz;

Öňlerem köp tersleşipdik,
Umyt etme diýip, "Paşsa",
Her zat ownukdan başlanýar,
Men şoň üçin senden daşda.

Oglan:

Gyýma, ýüregimi gyýma,
Sen hakynda pikrim başga.
Gelmek üçin has golaýma,
Sen ýene-de menden daşda.

Gyz:

Gyýma ýüregiňi, gyýma,
Pikirieň bolmasyn başga,
"Bir ýazykdan är ölmez"diýp,
Dolandym men. Bolman daşda!

Gülmährem