Ýürekdeş sözler!
yaltanman okan
Premium
Prinsessa [off]30.12.2025 / 23:20
Dostum yok duşmanm kop
Gyzykly maglumatlar (kop okan,kop biler)
1. Hakykatdanam mynasypdygy üçin baýrak berilýän, hakykatdanam mynasyp däldigi üçin baýrak berilmeýän eser seýrek bolýar.
2. Onuň iň howply tarapy ýüregindäki ýamanlygy daşyna çykarman saklap bilmeginde.
3. Üstünde ýöreýäniň üçin ýeriň agramy ýokdur öýtmeli däl.
4. Gowy eseriň gowy baha almazlygy gowuluk bolmasa-da, erbetlik däl. Belkem, ol awtor üçin bähbitlidir. Ýöne erbet eseriň özüne mynasyp baha almazlygy, has beterem gowy baha almagy awtora duşmançylyk, okyja aldaw, edebiýata hyýanatdyr.
5. Şöhratdan gaçýan adamyny şöhrat beýgeldýär. Şöhraty özi kowalap tutjak bolýany şöhrat biabraý edýär.
6. Emeli ýol bilen gazanylýan şöhrat diňe ony gazanjak bolýana görünýär. Hakyky şöhrat bolsa şöhrat eýesine däl-de, ile görünýär.
Geniý öz geniligine akyl ýetirmäge ukypsyz bolsa-da, geniý däl adam özüniň geniý däldigine akyl ýetirjek bolmaly.
7. Türkmenler “Suw getirenem bir, küýze döwenem” diýýärler. Özbeklerde “Suw ketiren har, küýze döwgen zor” diýilýär. Meniň pikirimçe, özbekleriňki has täsirli ýaly. Gojuk obasynda ol nakyly “Suw getiren har, küýze döwen şir” diýip üýtgedýärler. Her kim her zat diýse-de, suw getiren bilen küýze döweniň hersine mynasyp baha berilmeýäni üçinem abat küýzeleri döwüşdirip ýörmeli däl.
8. Ýaň diýilýän zadyň öz sesi bolmaýar. Ol diňe başga sesi gaýtalap bilýär. Durmuşda-da tä ömri ötýänçä, başgalaryň pikirini gaýtalap ýörenler bar.
9. Iň güýçli hem weýran ediji ýaraglary akyldar adamlar oýlap tapýarlar. Ýöne ol ýaraglar akylly adamlar döredeni üçin howply däl-de, olary akmaklaryňam herekete getirip bllýändikleri üçin howply.
10. Gory gutaran şahyr goşgy ýazyp bilmän, poema ýazýar. Gory gutaran ýazyjy hekaýa ýazyp bilmän, roman ýazýar.
11. Watany satyp bolýar, emma satyn alyp bolmaýar.
12. Men öz eserlerimiň gowşakdygyny azap baryny çekip ýazyp gutaranymdan soň bilip galýaryn. Bu meniňem, okyjynyňam başyndan inen towky.
13. Talantly şahyryň özüniň poeziýa hem hasaplaman, gapdala taşlan setirlerini okasaňam, ony talantly adamyň ýazandygyny saýgarmak bolýar.
14. Iň belent hem hiç mahal gadry gaçmaýan söýgi ýetilmedik söýgüdir.
15. Eger men ol dili türkmen dilini bilşimiň 70-75 % möçberinde bilýän bolsam, eserlerimi rus dilinde ýazardym. Rus dili hakyky poeziýa hem proza ýazmak üçin ýörite döredilen ýaly.
16. Kitap okamaýan adamlar kitap okamagy pişesiz adamlaryň edere iş tapmansoňlar, güýmenje üçin öwrenen endigi hasap edýän bolsalar gerek.
17. Meniň dünýäniň iň beýik ýazyjylarynyň biri bolsa gerek diýip sarpa goýýanym Stendal: “Diňe öz döredijiliginden çuň lezzet alyp bilýän adamyny geniý hasaplap bolar” diýip ýazýar. Ylalaşasym gelenok. Eýsem, öz ýazan dereksiz eserinden lezzet alýan talantsyza-da geniý diýmelimi? Men talantsyzyňam öz ýazýan zadyndan lezzet, onda-da çuň lezzet alýandygyna şübhesiz ynanýaryn. Çünki, ýazýan wagtyň lezzet bermeýän eseri ahyryna çenli ýazyp bolmaýar.
18. Iki eliň her haýsysy bilen aýratyn zat tutup bolýar. Emma iki gözüň her haýsysy bilen aýratyn nokada seredip bolmaýar.
19. Gazetleriň habar bermegine görä, Russiýada täze ensiklopediýa çykypdyr. Onda Puşkine “Beýik rus şahyry” diýilýän ozalky maglumatdan “beýik” diýen sözi aýrypdyrlar. By diňe Puşkine däl, “beýik” dýýilýänleriň hemmesine-de degişli. Dogry edilen iş. Beýkligi, pesligi ýazyp tekrarlamaly däl.
20. Köne nusga: “Baý halky ýaňra bor, käsip—käýinjeň”. Täze nusga: “Ýazyjy—käýinjeň, şahyr—öwünjeň”.
21. Bilbil saýrap ýadaýança, onuň owazyndan lezzet almaly serçe dymaýmaly ýaly welin, üns berseňiz, bagda bilbil saýraýan mahaly beýleräkden serçäniň jürküldisi hem eşidilip durandyr. Elbetde, adamlarda bolşy ýaly, guşlarda-da öz mümkinçiligine aşa baha bermek endigi bardyr-da.
22. Kän gaýtalanyberse, owadan sözler hem öz gözelligini ýitirýär eken.
23. Gowşak eseriň gowşakdygyny seljermäge biziň köpimizde başarnyk bar. Emma beýik eseriň beýýikligini duýmak hemme kişä başartmaýar.
24. Gün ýokary galdygyça, kölege peselýär, ýöne käbir adam ýokary galdygyça welin, köplenç, adamçylygy peselýär.
Awtory - Shahyr Atajan Tagan
#gyzyklymaglumatlar
 84 |
 23 |
 1 |
 4 |
 0 |
 0 |
 1 |
Teswirler:
TäzejeАбдылла9456 [off]
31.12.2025 / 00:38
+0
Atajan Tagan köp taraplaýyn düşünjeli ýazyjy bolan. Onuň bir är ömri SSSRiň merkezinda işlemegi, dürli häaiýetli adamlar bilen gatnaşykda bolmagy onuň durmuş tejribesini
has~da artdyrýar.
PremiumPrinsessa (31.12.2025 / 10:20) Абдылла9456, hmm dogry yetip gelen taze yylyn bn
Soňky teswirler
PSSP muny bilyan kopdir plasteýsinin oyunlaryny arkayyn telefonda oynap bolyamy??
Minnimal näçe ram bolmalyla ýa çipsedi näçeräk bolmaly barlapgördüňmi? 4/64 işlärmikä?!...dowamy...
Oýunlar, testler we soraglar | PSSP muny bilyan kopdir plasteýsinin oyunlaryny arkayyn telefonda oynap bolyamy??
IDEALLIDER2 (Şugün, 00:17)
IDEALLIDER2 (Şugün, 00:17)
Onki basda cykan telefonlaryn oynlaryny oynap bolyamy???
Md.Emu razmeri gaty kiçi. Ortaça emulýator 10mb we oýunlary 1mb bios gerekdäl. Bu emulýatorda Contra The Hard Corps, Mortal Kombat Ultimate, Top...dowamy...
Erkin mowzuklar | Onki basda cykan telefonlaryn oynlaryny oynap bolyamy???
IDEALLIDER2 (Şugün, 00:06)
IDEALLIDER2 (Şugün, 00:06)
Nipah wirusyna garşy täze sanjymyň kliniki barlagy başlaýar
Şulam covid-19 meňzeşiräk bolup, şuňada derman tapylanok diýýäleraý...dowamy...
Asyryň garaňkylygy gelýär: 02.08.2027!
Maýýalar bolanlygynda nejeme ýürekler sogrulup, şonçada kelleler togurlanardy....dowamy...
Onki basda cykan telefonlaryn oynlaryny oynap bolyamy???
Beýle emulýatorlar köp, meselem mdemu-sega, nethersx2-ps2, Multiemul-ps1 we ş. M....dowamy...
GYZ ÇAGASY HÖKMANMY?
Oglan maşgalanyň ýolbarsy, möjegi, bürgüt goragçysy, gyz bolsa maşgalanyň namys-ary hem baýdagy. Oglanlar, erkekçe boýun alaýalyň, eje-kakamyz ga...dowamy...
Britaniýaly zenan «dünýäniň iň baý adamy» boldy, ýöne puluny diňe kofe bilen kruassana sowup bilýär
Aý howwa çagalykda damak bolup ät galsaň erbet bolýar. Ulalyp pul gazanyp snikersiň bir karobkasyny aňryk agdaryp, ak-tamdan çykman oturuşum....dowamy...
