Premium
 rexha [off]
 03.01.2026 / 17:32
 Всё, что хочешь от жизни бери и беги

Sary sähra dymyp otyr
Ikimiziň aramyzda.
Dogum bizsiz oňup otyr
Ikimiziň aramyzda.

Ýer aýlanýar (okuna güýç!..),
(Ýaryl, ýürek!
Ornuňdan süýş!)
Düýnler ýatyr, görýändir düýş
Ikimiziň aramyzda.

Günler — çaman, ömür — ýyndam,
Paýhas — çaman, göwün — ýyndam,
Geçip ýadamaz bu ýyllar
Ikimiziň aramyzda.

Syýa reňkli gamlar artar,
Gije geçer, daňlar atar,
Söýgi ölmez — iňlär ýatar
Ikimiziň aramyzda…



Sapa Hommadow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!