***** | YekeTak.Ru

Ýürekdeş sözler!

@menin_dunyam : Aÿralyk bu tăze bir sahypañ başlangyjydyr. @menin_dunyam

Forum | GÜRRÜŇDEŞLIK | Erkin mowzuklar

*****

Özümiziňki
Gulmahrem [off]

09.01.2026 / 13:10

-A gyz, Olýa, şu gün işden gelýäkäm,
Seniň gaýynyňa duş geldim ýolda.
At ýaly heleý-le, seni garratman,
Entek-entekler-ä ýarsjagam däl-le.
-Wah, olmy? Wah, ony goyaý ýöne sen,
Bir tulum ýeli bar,
Bir sanaç puly.
Ayaklary ýelden, saçlary kendir.
Olmy?
Diýmesizin diýmäýin weli,
Tüýs Göroglyň atyn ogurlan kempir.
-Meň gaýyn enem-ä Lukman hekimden,
Bir müçe ulumyş.
Gözlerem batyl.
Gulaklary bilen göräýjek bolýar,
Sokur gözleriniň görmeýän zadyn.
-Seniňkä ýagşy gyz, pensiýa alýar,
Gör, biziňki otyr duluňy saklap.
Ne biş-düşi... Agtygyn däl,
Ne-de kir yuwup bilýär,
- Otyr garraryňa garaşýan ýaly,
iki dyzyn gujaklap...
-Käşgä saňa ýetirmese agtygyn...
-Käşgä çyrpsa geýim-gejim, arlygyň,
Poluň ýuwsa, kaksa keçe-kilimiň.
Illeriň gaýyn-a kesel halyna,
Garawulam durýar edaralarda.
Biziňkimi?
Keýpin görüp diliniň
Yöne ýaşamaga gelen ýaly-la...
...Gaýneneler garramaýan bolarly,
Gybata goşulýar öýe gelenler.
Gybat urýar gara kofäň başynda,
Bu gün-erte gaýyn boljak gelinler!

Nobatguly Rejebow