Täzeje
 Outlier [off]
 Şugün, 06:37

Eger gapy ýapyk bolsa, diýmek, ol açyk däldir. Ýöne bu onuň bardygyny aňlatmaýar.

Güneş gijelerine dynç alýan bolsady, biz Aýy hiç wagt görmezdik.

Suwuň suwsanyny görseňiz, oňa bir käse guraklyk beriň.

Iň gysga ýol — entek hiç kimiň barmadyk ýoludyr, sebäbi ol ýol ýok.

Düýn şu wagt ertirdi, ertir bolsa şu wagt düýn bolar. Biz bolsa ortada galdyk.

Galam ýazmagyny bes etse diýmek kagyzyň aýtjak sözi gutarandyr.

Kölegäm meni yzarlaýar diýip gorkýardym soňra bolsa onuň menden gaçyp bilmeýändigine haýpym geldi.

Bir zady ýitirmek üçin ilki bilen ony tapmaly, tapmak üçin bolsa ýitirmeli.

Bulutlar ýagyş ýagdyrmasa, asman diňe bir uly mawy boşlukdyr.

Boş garnyň sesi hemişe doýan garyndan has batly çykýar, sebäbi içindäki ýaňlanma güýçli.

Aýna seredenimde özümi görýärin, ýöne aýna maňa seredende näme görýärkä?

Daşlar gürläp bilseler-de gürlemezlerdi sebäbi olaryň aýtjak zady gaty agyr.

Ilikler bolmasa köýnekler diňe bir mata parçasy bolardy emma ilik hem matasyz diňe bir plastiki bölejik.

Ýeňil gürleşmek üçin ilki bilen agyr dymmagy öwrenmeli.

Käte men öz-özüme hat ýazýaryn, ýöne jogabyny okasym gelenok, sebäbi öňden bilýärin.

Tigiriň aýlanmagy üçin onuň bir ýerde durmazlygy gerek emma aýlanyp duran tigir hem bir ýere baranok.

Ukym tutdy ýöne tutanyndan soňam ol meni näme etjegini bilenok.

Çüýşäniň içindäki boşluk çüýşäniň özünden has gymmatlydyr sebäbi hemme zady şol ýerde saklaýarsyň.

Eger aýna döwülse siziň keşbiňiz hem böleklere bölünermi ýa-da siz ýene bütin galarsyňyzmy?

Telefonuňyzy zarýada goýanyňyzda, aslynda, oňa däl-de tok siziň durmuşyňyza zarýad berýär.

Sagadyň dili bar emma ol diňe sanlary sanap bilýär. Nähili garyp söz baýlygy!

Eger sagat dursa, wagt hem durarmy? Ýok, wagt dowam eder, ýöne sagat indi özüniň kimdigini ýatdan çykarar.

Sagat — bu wagtyň türmesidir. Sanlar bolsa gözenekler.

Iň gowy maslahat — maslahat bermezlikdir ýöne bu hem bir maslahat.


.outlier

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!