Utanç gider, namys gider ar gider...

M.Yurekdesh.Ru/ çatsöýerler üçin - biz bärde:)

Ýürekdeş sözler!

Gerceknazar : Bu dünýede bagt bar-a köp sanly , Ony puldan gözlemeklik hökmanmy?! @Gerçeknazar

Forum | UMUMY BÖLÜM | Şygyryýet dünýäsi

Utanç gider, namys gider ar gider

Özümiziňki
Minigim [off]

22.01.2026 / 07:27
Lekum dinikum ve liye din

Ýagşy bilen ýamana goýmany başar parhy,
Ömür gysga pursatdyr duýmarsyň, geçer gider.
Bir şaýada deňelmez neşekeşligiň nyrhy,
Baýlygyň tüssä döner, gözüňden uçar gider.

Ilki seni şa eder, el çek ondan wagtynda,
Kim oturdy ömürlik, patyşanyň tagtynda.
Soňra ol gedaý eder, derek goýmaz ebtiňde,
Çagalaň aç hor bolar, göz ýaşyn saçar gider.

Aldananlar bir sen däl, aldananlar kän boldy,
Iki sorup bendeler, öz ýanyndan han boldy,
El çek haram neşeden, besdir indi çen boldy,
Saýlap söýen ýaryňy, özgeler guçar gider.

Keýpiňi sazlan günüň, çykdyň atyň üstüne,
Neşe tapmadyk günüň, gaçdyň aýak astyna,
Çägeden bina gurma, soň ýykylar üstüňe,
Sopbaş ýeke galarsyň, dostlaryň gaçar gider.

Tapan günüň şa bolduň, tapmadyk günüň azar.
Bar pikiriň neşede, öýüňden bolduň bizar.
Turgul, oýan ukudan, töweregňe sal nazar,
Dünýe kerwene meňzär, gonar-da göçer gider.

Dünýäň ykjam gämisin, salgyma çalyşmagyn,
Biakyl balyk deýin, çeňňege ilişmegin,
Dünýäň gözelligin söý, hiç keýpe dalaşmagyn,
Ýagşy işe baş goşsaň, göwnüňi açar gider.

Azat Nurgeldiýew