Ýürekdeş sözler!
GÖWNÜME GÖWÜNDEŞ EJEM
ÖzümiziňkiGulmahrem [off]
27.01.2026 / 20:37
"Gyzym, soňky günler garraýan" diýip,
Meni beýle oýa batyrma, eje!
Ber eliňi, seni dünýä aýlaýyn,
Gözüňe ýaş aýlap oturma, eje!
Bu bir ömür aýlanyp dur aý-günler,
Saýaňda bark urýar al-elwan güller,
Göwre garrasa-da, ýaşdyr göwünler,
Bu ýüki gerdenňe göterme, eje!
Ýyllar gül ýüzüňde gasyn goýupdyr,
Durmuş sözleriňde asal goýupdyr,
Allam gursagyňa mähir guýupdyr,
Garrylygy göwne getirme, eje!
Garrylyk ynsana berilen bir paý,
Uzak ýaşamaklyk - ömrüňe serpaý,
Göwnüme göwündeş, ýüregime taý,
Ömrüňi gussada ötürme, eje!
"Balam, soňky günler garraýan" diýip,
"Gör, ýaşymam juda galňaýar" diỳip,
"Indi köpçülige barmaýan" diýip,
Meni beýle oýa batyrma, eje!
Bu derdi gerdenňe göterme, eje!
Bahargül Mejidowa
🌹🌹🌹
Görmäge geldim
Ähli aladamy bir ýaňa goýup,
Käbäm, ýene seni görmäge geldim.
Öwüt-ündewlerňi gursagma guýup,
Käbäm, ýene seni görmäge geldim.
Ýyly mährin küýsäp gözel obamyň,
Wah, goýnunda hezil edip oýnanym,
Men senim zürýadyň, yzyň, dowamyň,
Käbäm, ýene seni görmäge geldim.
Aýak ýalaň gezen köçelerimde,
Ýatlama galypdyr niçe ýerinde,
Oturyp ak gülli keçeleriňde,
Käbäm, ýene seni görmäge geldim.
Enäň perzendine ýokdur dözümi,
Ejem barka bagtly duýýan özümi,
Eşitmek üçin "balam" diýen sözüňi,
Käbäm, ýene seni görmäge geldim.
Boýum bilen boýdaş boldy agtygyň,
Baky eýesi ol köňül tagtymyň,
Mähribanlam gözbaşy siz bagtymyň,
Käbäm, ýene seni görmäge geldim.
Bahargül Mejidowa
 110 |
 16 |
 2 |
 10 |
 0 |
 0 |
 1 |
Teswirler:
ÖwrenijiSenyorita [off]
28.01.2026 / 20:38
+1
...Seň kalbyma guýan çäksiz yşkyňdan,
Guşlary saýradyp, gider gyş mundan,
Seniň bahar, behişt ysly müşküňden,
Älem güllär, Zemin ýaz bolar, eje!
Ogultäç Oraztaganowa
* * *
...Garrasak, biz garraly,
Sen garrama, eje jan.
Myrat Ömür
ÖzümiziňkiGulmahrem (28.01.2026 / 20:56)
Senyorita,🌹
Premium
rexha [off]Всё, что хочешь от жизни бери и беги
01.02.2026 / 14:09
+1
Ejelermiz uzak yashasyn
Soňky teswirler
Eren Ören s dnyom rozhdeniye jigimjan
00:00 гутлажакдым уклап галыпдырна братишка извини😊...dowamy...
Ýatkeşligi ösdürüň!
Mena name etsemem bolonok men unutyan zadym birinin aydan sözleri yada öz aydan sözlerim garaz kelleden nasagrak men😁...dowamy...
