Forum | GÜRRÜŇDEŞLIK | Erkin mowzuklar

durmuşymdan :(

yalansoz, Zen durmuşa cykanymy?

Candi, hovva

Ýaradandan dile! Eje näbilsin ony....

Orazjan, dileyasle EnşaAllah bizede nesip eder

Gosgy gaty manyly yazylypdyr. Her setirinde perzentsiz zenanyn icgepletmesi duyulyar. Awtor erkegem bolsa zenan duygusyny berip bilipdir.
Temasy barada aytsam nahili-nahili masgalalar gordum uzak yyllardan son perzende yuzi dusen. Gyzlyk, ogullyk alybam son öz perzendini dunya indirenler gyt däl. Garaz umytdan duşmeli dal. Huday jan arzuwynyza yetirsin!

Perzentsizlik - durmuşyň iň ajy, iň wawwaly meseleleriniň biri. Ondan ajy zat, Hudaý saklasyn, hiç bendesine Keremliň Özi görkezmesin, diňe perzendini ýitirmek bolaýmasa.
Soňky ýyllar şu dert ýaş çagalarda barha köpelýär. Öňler setanda-seýranda çatynjalaryň käbirinde zürýatsyzlyk duşardy. Emma soňky ýyllarda welin, anyk statistikasyny bilmeseňem, durmuşda gabat gelinýär, azyndan her on maşgaladan ikisinde dagy şeýle durmuşy betbagtçylyga sataşylýar. Özem şeýle ýaşlaryň köpüsi lukmançylyk barlagyndan geçseler, üýtgeşik bir sebäbinem anyk aýdyp bilmeýärler. Göräýmäge är-aýalyň ikisinde-de önelgesizlik derdi ýok, ikisem önelgä tebigy ukyply. Emma şonda-da hiç ugrugybermeýärler.
Ylmy maglumatlar bilen tanyşsaň-a munuň esasy sebäpleri hökmünde şulary sanaýarlar:
1.Ýaramaz ekologiýa (howanyň, suwuň, iýmitiň hapalanmagy);
2.Iýmit önümlerinde GMÖ, pestisidler, dürli himikatlaryň öňküden birnäçe esse kän ulanylmagy;
3.Himiki derman serişdeleriniň elýeterli bolup, olaryň gözegçiliksiz kän hem artykmaç ulanylmagy;
4.Stress ýagdaýynyň öňküden birnäçe esse artmagy;
5.Fiziki hereketiň azalyp, ýaşlaryň gipodinamiki durmuşda ýaşamagy;
6.Wiruslaryň we bakteriýalaryň mutasiýasynyň çalt geçip, ynsan organizminde barlaglara aňsat bildirmeýän ýaramaz täsirleri galdyrmagy;
7.Çatynjalaryň genetiki taýdan gapma-garşy bolmagy we ş.m.
Ýöne, şonda-da: "Alla bermedi..." diýip lapykeç bolmaly däl, umytdan düşmeli däl. Elbetde meniň bu gürrüňim "dokuň açdan habary ýok" diýilýänine çalymdaşam bolmagy ahmal. Ýöne durmuşda öýlenenlerine 6, 9, 11 ýyl geçenden soň çagajyklarynyň bolup, soňam allanäme 3-4 çagaly bolup gidenleri gördüm.
Onsoňam soňky döwürler lukmançylykda emeli inseminasiýa - emeli tohumlandyrmak usuly has ösýär. Köp ýagdaýda oňyn netije-de berýär.
Ýene bir zat: lukmançylyk usullary halys paşmasa, perzentlige almagam tüýs Allaň ýalkan çykalgasy. Bir ýetim ýa taşlanan çagajygy ata-eneli edip, mähri bilen gurşany, uzagyndan Alla ýalkap, çilesi açylyp, öz çagalarynyňam yzly-yzyna dünýä inip gidýän ýagdaýyna-da duş geldim. Onsoňam şeýdip bäbekler öýünden perzentlige alanlaryň alan çagajyklaram Keremli Perwerdigäriň tükeniksiz şepagaty bilen edil ekiztaýy ýaly ýüz-keşbi, hüý-häsiýeti, gepi-gürrüňi, özüni alyp barşy boýunça-da perzentlige alanlaryň özüne meňzäp gidýäni hasam täsin gudrat.
Bu şygyr bolsa, ýaman ýürekgopduryjy, haýykdyryjy täsir edýär.

dabir, pikiriñiz ucin kop sagboluñ. tañryyalkasyn.

Goşgyny tertipledim:

EJE, MEŇEM ÇAGA ÝÜZÜM DÜŞERMI…

Eje, meňem çaga ýüzüm düşermi?
Bir ýaşaýyş dogarmyka içimden?
Ýatsadym ýanynda ýazyp düşegmi,
Ysgap çygjaranja mymyk saçyndan.

Eje, meňem çaga ýüzüm düşermi?
Nirä gitsem ol aňymdan çykmaýar.
Hakdan dileg etdim, umyt üzmedim,
Lukmanlaram: “Belki...” diýip çaklaýar.

Eje, meňem çaga ýüzüm düşermi?
Pikir edip baryşyma hol güni,
Undupdyryn uly ýoldan geçenmi…
...Allam görkezmesin beýle horlugy...

Eje, meňem çaga ýüzüm düşermi?
Bilýän diýýäniňi menden ogrynça:
“Çagaňyzy öpüp, oýnap oturmaň,
Uýaňyzam bir bäbejik dogrynça...”.

Eje, meňem çaga ýüzüm düşermi?
Unudyp barýaryn gülmegi, eje!
Çagasyz öý mazar ekeni, käbäm,
Wah, onsuz bu dünýe dünýemi, eje!

Eje, meňem çaga ýüzüm düşermi?
Görenler-ä berýär diňe göwünlik.
Bermezek Taňrydan alyp bolarmy,
Berermi ýa ynsan ogly ogullyk?

Eje, meňem çaga ýüzüm düşermi?
Betbagt doguldym ala-böle men.
Ýa-da men deý bedibagt dogmakdan,
Heder edip ýörşümikä bäbegiň?

Eje, meňem çaga ýüzüm düşermi?
Kän eşijek alyp goýdum niýetläp.
Her gün çözüp düwünçegiň bagyny,
Hyýalymda deňäp görýän ýüz epläp.

Eje, meňem çaga ýüzüm düşermi?
Hyýalymda ak alnyndan öpdüm men.
Söýüp çagyrarym ýaly ýanyma,
Bir gowuja atjagaşam tapdym men.

Eje, meňem çaga ýüzüm düşermi?
Tutarmykam sallançagyň ýüpünden.
Hüwdi aýdyp boşatsadym içimi,
Ah, dynsadym dymmaklygyň ýükünden.

Ýaz, ýataýyn gujagyňda birsellem,
Bäbejikkäm maňa ýazan düşegňi.
Ýyly ýürek, sowuk gujak gyzyň men,
Eje, meňem çaga ýüzüm düşermi?!...

©Berdimyrat Täçmyradow

dabir, sagboluñ :)

InşAllah çaga yüzüň düsher Sabrly bol