Tramp dollaryň kursunyň üýtgemegine teswir berdi...

M.Yurekdesh.Ru/ çatsöýerler üçin - biz bärde:)

Ýürekdeş sözler!

PeRMaN : Ol gyz meni şeýle bir söýdi welin, maňa garşy uruş yglan etdi. Bilýäňizmi näme üçin?! Maňa ýesir düşmek üçin! (Şekspir)

Forum | UMUMY BÖLÜM | Dünýä täzelikleri

Tramp dollaryň kursunyň üýtgemegine teswir berdi

Özümiziňki
Vector_Pro [off]

02.02.2026 / 09:56
Köçe Mekdebi. Ynam däl, kynçylyk öwretdi.

ABŞ-nyň Prezidenti Donald Tramp dollaryň kursunyň peselmegine biynjalyk bolmaýandygy, gaýtam amerikan walýutasynyň «ýagdaýynyň gowudygy» barada aýtdy. Bu barada ol Aýýowa ştatynda, geçiriljek mitinge gatnaşmak üçin baran mahaly žurnalistlere habar berdi.

«Bloomberg» agentliginiň maglumatlaryna görä, dollaryň «Bloomberg Dollar Spot Index» görkezijisi sişenbe güni 0,4% aşaklap, 2022-nji ýylyň martyndan bäri iň pes derejesine ýetdi.
Dollaryň kursunyň peselmegi baradaky soraga Tramp: «Men şeýle bolmagyny isleýärin — [dollara] adalatly bolar ýaly öz derejesini tapmaga pursat bermeli», — diýip jogap berdi.

«Men ony ýo-ýo oýunjagy ýaly ýokary galdyryp ýa-da aşak düşürip bilerdim», — diýip ABŞ-nyň Prezidenti şeýle ssenariniň amatsyz boljakdygyny nygtady.

Amerikan walýutasy eýýäm bassyr dördünji gün arzanlaýar, iň uly peselme bolsa ýapon ýenasyna görä bolup geçdi. Ak tamyň ýolbaşçysynyň beýanaty «grinbegiň» (dollaryň) satylmagyny has-da güýçlendirdi. Şunuň bilen birlikde, bilermenler beýleki dünýä walýutalarynyň — ýewronyň we funt sterlingiň gymmatlaýandygyny belleýärler.
«Bloomberg-iň» habar berşine görä, dollar bilen işleýän treýderler 2011-nji ýyldan bäri walýutanyň has-da gowşamagyna iň uly stawkalary goýýarlar. Agentlik diňe bir bazaryň gysga möhletli gatnaşyjylarynyň däl, eýsem dollaryň uzak möhletleýin geljegine baha berýän maýadarlaryň arasynda hem ikirjiňlenmeleriň artýandygyny belleýär.

«ABŞ-nyň öňünden çaklap bolmaýan syýasaty dollaryň kursuna aç-açan oňaýsyz täsir edýär» diýip, «Danske Bank A/S»-iň uly analitigi Ýesper Fýarstedt aýtdy.

Mundan başga-da, «Fox News» telekanalyna beren interwýusynda Tramp import paçlarynyň (gümrük tölegleriniň) girizilmegi netijesinde ABŞ-nyň 600 milliard dollar alandygyny we şolaryň saýasynda ýurduň söwda defisitiniň 77% azalandygyny habar berdi.
Şeýle hem ol, eger söwda hyzmatdaşlaryna garşy girizilen paçlar ABŞ-nyň Ýokary kazyýeti tarapyndan ýatyrylsa, olara çalşyrgyç tapjakdygyny sözüne goşdy. «Biz şol bir zady etmegiň başga bir ýoluny taparys. Ýöne ol beýle amatly bolmaz», — diýip amerikan prezidenti duýdurdy.