Täzeje
 MaD_B [off]
 Şugün, 14:13

Bagyşla, men seni unudup bilemok,
Unutmagmy isleseň-de her gezek.
Gün-günden sa:lgyma öwrülip barýan,
Iň bolmanda, ýatla meni bir gezek.

Ýagyş ýagsa ýatla, gar ýagsa ýatla,
Ýapraklar saralyp, güýz gelse ýatla.
Ýatlaber, ýüregiň darygan çagy,
Iň bolmanda ýylda bir gezek ýatla.

Bilýän, indi ykbal duşurmaz bizi,
Ýollarmyzy gabat getirmez pelek.
Men-ä hiç-haçanam unutman seni,
Senem meni ýatla, ýylda bir gezek.

27.12.2025.ý.
Awtor: Çerkez BAÝLYÝEW.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!