Öwreniji
 Kapiro [off]
 Şugün, 09:37
 Allah diýene Allah ýetişer

Adam bary bir zadyň aladasynda. Her kimde bir hyýal, arzuw-isleg ,ýetilmeli menzil. Wagt bolsa öz çarhy-pelegini şol irginsiz aýlap otyr. Göwnümize bolmasa soňky döwür wagtam çalt geçýän ýaly. Garyplar baýamagyň ugrunda, baýlar hasda baýlyklaryny köpeltmegiň ugrunda. Kimler şady-horramlyk bilen döwran sürse, kimler tapany bilen mydar edýärler. Adamlaryň şeýtana we nebsine aldanýan ýeri öz arzuw-islegleriniň çäginiň ýoklugyny bilmezligidir. Pygamberimiz saw aýdypdyr "Adamlaryň iki jülge dolup duran baýlygy bolsa, ol şonuň 3 jülge bolmagynyň arzuwyny eder" diýipdir. Adamyň 2 sany kiçijik gözüni 2 zat doýurar, olaryň biri bolanja zadyňa kanagat etmek ,beýlekiside gabryň gara gumy diýipdirler. Bir wagtlar bir adam yslamyň meşhur pirlerinden Ybraýym Edhem hezretlerine pul berse ol almandyr ekeni. Ol adam pirden:
—Näme üçin pulumy alaňok—diýýär. Ol:
—Men garyp adamdan pul alamok -diýipdir. Ol adam:
—Men garyp däl,baý adam.
—Näçe puluň bar.
—50müň teňňäm bar.
—Sen şonuň 100 müň bolmagyny isleýärmiň ?
—Hawa,ony kim islemez.
—150 müň bolmagyny isleýäňmi ?
—Hawa.
—Diýmek näçe köpelse gowyda.
—Hawa.
—Hany, ýaňy sen baýdyňla, özüň bolsa zatdan doýmaz mätäç ekeniň me bul pullaram alda öz beýleki pullaryň üstüne goş diýipdir.
Gowy durmuşda ýaşamaklyk gowy zat ,ýöne şol tükeniksiz arzuw-islegler bizi ýokdan bar eden Allahyň buýran we gaýtaran zatlaryndan alyp goýmaýan bolsa. Allatagala özüniň adamlara iberen Kurany Keriminde "Men ynsanlaryň haýsynyň gowy ybadat edýänlerini synamak üçin olaryň her birine belli bir wagt arasyndaky ýaşaýşy ýaratdym diýip buýrýar.
(Mülk süresi ,2-nji aýat. Ol siziň haýsyňyzyň has ýagşy amal
edýändigiňizi synamak üçin, ölümi
we ýaşaýşy ýaradandyr. Ol Gudraty
güýçlüdir, Bagyşlaýjydyr.) Şol sebäpden özümize berilen sähel ömri ýele şowurup Allahyň huzuruna boş barmalyň. Magtumguly bu barada şeýle diýipdir
Jahanda ýaman işdir,
Gury gelip boş gitmek.

Teswir ýazmak üçin Içeri giriň ýa-da Agza boluň →!