Öwreniji
 Aixcam_nx [off]
 22.02.2026 / 16:23
 Alhamdulillah🤍

ULALDYM

Şükür , ykbalymdan däl men närazy
Gumaksy ýollarda oýnap ulaldym.
Gülgün ysgap garşyladym her ýazy,
Bugdaýly düzleri boýlap ulaldym.

Saz boldy beýnime durlap guýanlam,
Bagşy boldy, şahyr boldy uýanlam.
Ulalsamam kökün çeýnäp buýanlaň,
Derde dermanlygyn duýman ulaldym.

Bolsam-da men on doganyň ulusy,
Gitmedim bölünip , küýsäp alysy,
Hoş söz aýtdym sylap ili-ulusy,
Adama ýaman söz diýmän ulaldym.

Depämdäki sansyz ýyldyz seçilen
Asman şäher ýaly, täze göçülen,
Bize bir ömürlik döwran eçilen
Hoş surat dünýäden doýman ulaldym.

Teswir ýazmak üçin Içeri giriň ýa-da Agza boluň →!