Premium
 афганка [off]
 Düýn, 17:06
 Всё, что хочешь от жизни бери и беги

Bu peşgeş berilen çäklije ömri,
Guwanyp geçiriň, söýüp geçiriň.
Kitüwden-kineden belentde boluň,
Paýhas-pähime uýup geçiriň.

Özüňi tanamak bolsa näçe kyn,
Il-gün tanar — oňa ýakyn dur, ýakyn.
Ýaşamaň jahanda ogrygyn-bukyn,
Dünýäň gözelligin duýup geçiriň.

Säherde yhlas bilen saýranda guşlar,
Hiç kim diňlemese aglaýarmyşlar.
Undulmasyn dost-ýar, dogan-gardaşlar,
Sarpa saklaň, hormat goýup geçiriň.

Ýagşy bar, ýaman bar — etmäli inkär,
Bigünä geldiňmi — gitme günäkär.
Ömrüm, tiz geçseňem, geçmediň bikär —
Är kimin ýaşadym diýip geçiriň.


Berdinazar Hudaýnazarow

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!