Häzir bolmasa , hacan? (3nji bolum)...

Öwreniji
Prenses [off]

01.05.2024 / 22:44
Her sey bitermis zamanla :(

Mustafa Çaý «Bagtsyz bolmak hatadyr».

Hakykatdan hem dogry. Bize isleýän zatlarymyzy hiç kim bermez. Biz özümiz üçin dörän mümkinçilikleri görmegi başarmaly we ony netijeli peýdalanmalydyrys. Bu barada bir mysal getirmek isleýärin.

Uly bir aýakgap kärhanasy söwdany ýola goýmak üçin amatly ýer tapmak maksady bilen bir işgärini Afrika iberýär. Işini tamamlap öz ýurduna gaýdyp gelen adam: «Afrikada hiç kim aýakgap geýenok eken. Ol ýerde dükan açmak nädogry bolar» diýýär. Şeýlelikde, ol ýerde dükan açmak pikiri goýbolsun edilýär. Edil şonuň ýaly başga bir aýakgap kärhanasy hem şol maksat bilen öz işgärini Afrika iberýär. Bu adam hem işini tamamlap, gaýdyp gelende ol ýerde gören zatlaryny uly tolgunma bilen gürrüň berýär: «Biz Afrikada gaty köp pul gazanyp bileris. Ol ýerdäki adamlaryň hiç birinde aýakgap ýok. Olaryň ählisine aýakgap satyp bileris». Şeýlelikde, kärhana ummasyz pul gazanýar. Elbetde, şeýle ajaýyp mümkinçilikden netijeli peýdalanmagy başaran adam hem öz sylagyny alýar.

Biziň üçin döreýän mümkinçiliklerden netijeli peýdalanyp bilmek, öňde-soňda bizi üstünliklere alyp barýar. Käwagt ähli zatlar siziň garşyňyza bolýan ýaly görünmegi mümkin. Mysal üçin, Tomas Edison iň kyn pursadynda hem şowsuzlyga boýun bolmandyr. 1914-nji ýylyň 9-njy dekabrynda Edisonyň kärhanasynda uly ýangyn döreýär. Ömürboýy çeken zähmeti we gazananlary birki sagadyň dowamynda ýanyp kül bolýar. Gyşyň sowuk gijesinde ýangyny söndürmäge girişen adamlara syn edip duran Edison bu ýagdaýa haýran galýar. Ertesi ir bilen kärhananyň içine aýlanyp ýören Edison bu betbagtçylygy şeýle sözler bilen beýan edýär: «Bir betbagtçylygyň hem uly ähmiýeti bardyr. Bu ýangyn bilen birlikde ähli ýalňyşlyklarymyz hem ýanyp kül boldy. Indi ähli zady täzeden başlap bileris». Ýangyndan üç hepde soň Edison ilkinji Gramafony oýlap tapýar. Bu üstünlikde uly betbagtçylyga garamazdan, ynamyny we erjelligini ýitirmän dowam etmeginiň paýy gaty uludy. Durmuşyň bize näme taýýarlandygyny öňünden bilmek mümkin däl. Islendik ýagdaýa taýyn bolmalydyrys. Ähli zadymyzy birbada ýitirip bileris ýa-da tersine-de bolup biler. Şeýle ýagdaýlarda sussupeslige düşenimizi duýan badymyza, özümizi ele almaly we ähli zada has-da yhlasly çemeleşmelidiris.

Her hili kynçylyga garamazdan, üstünlige ýetmegi başaran adamlaryň biri hem, meşhur fizik Stiwen Hawkingdir. Stiwen Hawking 1942-nji ýylda dogulýar. Ol Oksford uniwersitetiniň fizika bölümini üstünlikli tamamlaýar. Ömrüniň iň kyn günleri ALS keseline uçramagy bilen başlanýar. Gürlemekde we ýuwdunmakda kynçylyk çekýän Hawkingiň soňabaka elleri hem ysman başlapdy. Hatda lukmanlaram onuň iki ýyl ömrüniň galandygyny aýdýardylar. Sussupeslige düşen Hawking nusgawy sazlary diňläp, ylmy eserleri okamaga başlaýar. Wagtyň geçmegi bilen hossarlarynyň hem-de mugallymynyň irginsiz aladasydyr söýgüsi netijesinde täzeden durmuşa bolan höwesi oýanýar. Emma galan ömrüni gürläp bilmän, maýyplaryň oturgyjynda geçirmäge mejbur bolýar. Adamlar bilen diňe kompýuter arkaly habarlaşyp bilýärdi. Saglyk ýagdaýynyň ýaramazdygyna garamazdan, bir gyza aşyk bolup, onuň bilen toý edýär. Ýanýoldaşynyň kömegi bilen magistr derejesini, soňra bolsa doktorlyk derejesini alyp, professor bolýar. 1978-nji ýylda fizika ugry boýunça iň uly baýrak bolan Albert Eýnşteýn baýragyny alýar. Soňra hem birnäçe abraýly baýraklara mynasyp bolýar. Ajaýyp pikirleriň we ençeme baýraklaryň eýesi kynçylyk çekip üstünlige ýeten adamlaryň diňe biridi.

Başlamankak ýeňilmek islemeýän bolsak,
şowsuzlyk biziň üçin umytsyzlyk çeşmesi
däl-de, täze bir başlangyç bolmalydyr.

Dowamy bar...

124

Forum | UMUMY BÖLÜM | Şygyryýet dünýäsi

Gideliň bäri

At yazmak

At yazmak

At yazmak

At yazmak

At yazmak

Goşgy

At yazmak

At yazmak

Gel...