kakam barka | YekeTak.Ru

Özümiziňki
Aydymcy_Jemile [off]

02.05.2024 / 00:49
Balkanlyja gozzel gyz✨

Kiçirägem bolsak, «Kakaň gowumy ýada ejeň?» diýen sowala «Kakam» diýip jogap bermegi endige öwrüpdik. Bu – biziň, hakykatdan hem, kakamyzyň ogludygyny subut etmek üçin mümkinçiligimizdi. Biziň «ejemogly» adyny alasymyz gelenokdy. Şeýdibem, biz kakamyzyň söýgüli ogullary bolduk.

Häzir beýle sowal bilen ýüzlenýän ýok. Eger-de şeýle sowal berläýse, „Men näme jogap bererkäm?!” diýip, käte-käte oýlanýaryn. Çaga endigime görä, ýene-de „Kakam gowy” diýerdimmikäm?! Ony özüm hem bilemok.

Boýnuma alaýyn, käteler meniň juda kakama meňzäsim gelýär. Agras nazary bilen jadylap, bize atalyk söýgüsini berýän kakalarymyz biziň üçin gymmatlydyr, arzylydyr. Şeýleräk bir tymsal ýadyma düşýär. Öňem bir akyldardan sorapdyrlar:

— Sen näme üçin köp çaga edinmeýärsiň?

Şonda akyldar:

— Çagalary has söýýändigim üçin — diýip, jogap beripdir.

Perzende aşyk bolmak, oňa köňül bermek her bir ene-atanyň söýgüsiniň, mähriniň näderejede güýçlüdigini görkezýär. Türkmende şeýle bir nakyl bar: „Adam atasynyň bilinden, enesiniň bolsa ýüreginden önýär“. Hakykatdan hem, adam enesiniň ýüreginde, atasynyň bolsa kalbynda ýaşaýar. Hiç bir güýç, ululyk ene-ata söýgüsini, mährini ölçäp bilmeýär.

Bir gezek çarwa ogluny ýitiripdir. Ony gözläp ýörkä, adamlar ondan:

— Seniň ogluň nähilidi? — diýip sorapdyrlar.

Şonda çarwa:

— Dinar ýalyjakdy — diýipdir.

Adamlar:

— Onda ony görmedik — diýipdirler.

Aradan köp wagt geçmänkä, ýaňky çarwa boýnunda garaja, jozzuk ýaly oglany göterip gelipdir. Oňa:

— Eger sen ogluňy dinar ýaly diýmedik bolsaň, biz saňa ony tapyp bererdik, näme üçin beýle diýdiň? — diýip sorapdyrlar.

Şonda çarwa şeýle jogap beripdir:

Oglum gara däldir, ak guşumdyr, meni al-asmana göterjek ganatlarymdyr. Ganaty bar adamyň gözüne başga zat görünmez.
Gör, biziň atalarymyz näme diýýär?! Eger-de perzent barada şeýle sözleri aýdýarkalar, biz näme üçin olar barada ýeke agyz söz aýdamzok?! Munuň sebäbi düşnükli. Sebäbi atalarymyz bize agras söýmegi, agras bolmagy öwredipdiler. Biziň kakalarymyz, mähriban atalarymyz bu hakynda gürläp ýörmegi, şeýle-de ony jar etmegi kän bir uslyp görmeýär. Ýöne atalyk söýgüsiniň, mähriniň güýçli bolýandygyny biz hemişe öz kakalarymyzda, agras atalarymyzda duýup gelýäris ahyry.

Durmuşda köp gabat gelýäris. Bäbekhananyň agzynda aýagy bişen ýaly, eýläk-beýläk at çapýan kakalarymyza näme diýersiň?! Şol pursat olaryň derdi hem enäniňkiden pes däldir. Säher bilen awtobusda perzendiniň elinden tutup, çagalar bagyna barýan kakalarymyza näme diýersiň, ýa-da perzendini egnine „hopba” edip, öýüň içinde „at” salýan kakalarymyz bardyr. Bir kitapda Hattap ibn Mugallanyň şeýle sözleri bar: «Biri-birine eýerip ýören bedene çagajygy ýaly perzentlerim bolmadyk bolsa, bu dünýäniň uzynlygy-ini maňa gysby görünerdi. Aramyzda gezip ýören perzentlerimiz zeminiň üstünde gezip ýören ýüreklerimizdir».

Men söýgi, mähir diňe enelerde däl, eýsem atalarymyzda hem bolýandygyna ir düşünipdim. Hakykatdan-da, söýgi biziň kakalarymyzda, agras atalarymyzda hem bar.

Ata terbiýesi — inçe ýol. Ol „ýoluň” käte biziň gözlerimize görünmeýän gezekleri-de bolýar. „Göze görünmeýändiginiň” sebäbi, biz, köplenç, atalarymyzdan bidin görüm-görelde, edep-terbiýe alýarys. Çaga özi-de bilmezden, (esasan, bu oglanjyklara degişli) kakasynyň hereketlerine, görüm-göreldesine, her bir aýdýan sözlerine salgylanýar. Pikir edip görseňiz, ata terbiýesini, mähir-söýgüsini alan çaga sagdyn, edep-terbiýeli, ýagşy gylykly bolýandyr.

Pikir edip gördüňizmi, kakasy ussa bolanyň ogly ýa-da agtygy hem ussa çykýandyr. Öýde ýagşy gylykly atanyň gylyk-häsiýeti, edim-gylymy hem ogla geçýär.

Çaga bezzatlyk eden pursaty ýada ýaramaz işe baş goşjak bolanda, „Muny bilse, kakam näme diýerkä?” diýip, şol işi etmekden çekinýär. Ýalňyşlyk edip, bir ýaramazlyk eden oglanjyk „Indi kakama näme diýerin?!” diýip, şol eden ýalňyşlygyny düzetmäge çalyşýar. Gaýdyp, şeýle işleriň gyrasynda görünmäge ejap edýär. Durmuşda ata terbiýesini, görüm-göreldesini alan adam özüni köp zatlardan goraýar, halas edýär.

Häli-häzirlerem ýaşy bir çene baran ýaşulularyň: „Wah, kakam bolsa bolmaýarmy?! Ol maňa ýene-de köp zatlary öwrederdi. Onuň bilen köp zatlar barada maslahatlaşardym” diýýändikleri ýadyma düşýär. Kerim aga şeýle diýýär:

“…Ýene iki merde ýalbarmak bolar –

Diýdiler – ene hem atadyr olar”.

“Ataňa ýalbarsaň galkynar ruhy”.

“Eneňe ýalbarsaň – kemeler ahy”.

Ata saňa ýeke gezek berilýär.

Ataň ölse arzuw ýolun dowam et.

Sen arzuwňa ýetseň – ataň ýetdigi.

Ýogsa ataň ýatyp bilmez parahat.

Kakaly günler – iň akylly günler, iň parasatly günler. Kakaň barka, alyp bilmejek galaň, ýetip bilmejek menziliň ýokdur. Şonuň üçin men kakamdan müňde bir razy. Çünki ol maňa kaka bolmak gylygyny, “kaka” bolup ýaşamak edähedini öwretdi. Munuň üçin sen hem menden razy bol, KAKA! SAG BOL, KAKA!

Goçmyrat ORAZBERDIÝEW

113

Premium

BAYOGUL [off]
Aldamak aňsat biz ýaly sadalary
02.05.2024 / 00:50

+1

Mlds birinji like menden

Özümiziňki
Aydymcy_Jemile (02.05.2024 / 00:50)

BAYOGUL, sps okadynmy eyyam

Premium

BAYOGUL (02.05.2024 / 00:51)

Aydymcy_Jemile, hawwa gozum bln

Özümiziňki
Aydymcy_Jemile (02.05.2024 / 00:51)

BAYOGUL, bax

Premium

BAYOGUL (02.05.2024 / 00:52)

Aydymcy_Jemile, ha men gozum bln okayana reski

Özümiziňki
Aydymcy_Jemile (02.05.2024 / 00:54)

BAYOGUL, mlds

Premium

BAYOGUL (02.05.2024 / 00:54)

Aydymcy_Jemile, tuweleme diy

Özümiziňki
Aydymcy_Jemile (02.05.2024 / 00:55)

BAYOGUL, tuweleme

Premium

BAYOGUL (02.05.2024 / 00:55)

Aydymcy_Jemile, ap betekella

Özümiziňki
Muawiye [off]
02.05.2024 / 01:34

+1

Başdaky sorag ýaly dünýäde manysyz sorag ýokdur. Muny bir üýtgeşik, täsin zat ýaly birsyhly soraýan düşünjesi kämilleşmedik, köplenç gybatçy bolup çykýan daýzalar aslynda çaganyň aňyna bir ýük salýarlar.

Bir çaga üçin ejesi hemme zatdyr. Çaga ilki doglanda, dogulmazdan öňürti wagta garaňda gaty az zat duýýar. Ol henizem özüni enesi bilen bir hasaplaýar. Bir bütin hasaplaýar. Sebäbi heniz bäbekde "men"-lik duýgusy kämilleşmedik. Ol diňe iki sany esasy zady duýýar, gyzgynlyk we naharyň berýän oňaýly täsirleri. Eje gyzgynlykdyr, eje nahardyr, eje ynamdyr, eje lezzetdir, eje hemme zatdyr.

Ejäniň söýgisi şertsizdir, ýagny ebedidir. Kakanyň söýgisi bolsa tersine, şertlidir. Ejäniň söýgisini gazanmak üçin, artykmaç zat etmegiňe gerek ýok. Hiç zat etmegiňe gerek ýok, diňe bar bolmagyň ýetýär, ejeň çagasy bolmagyň ýetýär. Ýöne kaka söýgisi beýle däl, kaka söýgisi gazanylýan söýgi. Kakanyň söýgisini gazanmak üçin bir zatlar etmegiň gerek, kakaň aýdanlaryny berjaý etmegiň gerek.

Eje "seni söýýärin sebäbi sen meniň çagam" diýýär. Kakanyň söýgisi bolsa "seni söýýärin, sebäbi diýenimi edýärsiň, sebäbi wezipeleriňi ýerine ýetirýärsiň, sebäbi meni söýýärsiň"-e daýanýar.

Ene söýgisiniňem (şertsiz), kaka söýgisiniňem (şertli) oňaýly we oňaýsyz taraplary bardyr.

Kakanyň berýän terbiýesini agzapdyrlar. Bolman bu kaka söýgisiniň tebigatynda bar. Eje ummandyr, eje tebigatdyr. Kaka bolsa bu tebigatda aslynda kän zat aňladmaýar. Ýöne kaka disiplinadyr, kaka düzgün-kadadyr, kaka düzgün-tertipdir, kaka mugallymdyr, kaka ýol görkezijidir. Munam diýenlerini ýerine ýetirmegi üçin buýurýar, çaga ýoldan çyksa welin ata söýgisi ýitýär, çaga-da ol söýgini gazanjak bolup, mejbury ýagdaýda kakaň diýenini etmeli, ýagny kakaň terbiýesini almaly, onuň ýolundan ýöremeli, adam bolmaly umuman.

Täzeje
Candi (02.05.2024 / 05:34)

Muawiye, Õzůñ bor çagañ kakasy bolup ,çaga terbiýelap gõrmäñsoñ ( aslynda çagañ bar, ýõne bile ýaşañok sen) bu seniñ duşünjäñ.Kakalar şertli sõýenok.Kakalar üçin hem edil ejede bolşy ýaly çaga hemme zatdyr.

Täzeje
Candi (02.05.2024 / 05:35)

Muawiye, **bir çagañ

Özümiziňki
Muawiye (02.05.2024 / 08:37)

Candi, Sen aýdan bolsaň dogrudyr @Belki.)

Täzeje
Candi (02.05.2024 / 10:17)

Muawiye, hotya şu teswirimdenem bilip bolya meniñ Belki däldigimi

Özümiziňki
Muawiye (02.05.2024 / 18:41)

Candi, Bolýar sen özüňi subut etjek bolaňok bolýar-bolýar sen "õ" diýip ýazaňok, bolýar...)

Forum | GÜRRÜŇDEŞLIK | Erkin mowzuklar

Hekaya.GYZ SOYGUSI.

“Ýaşa, dünýäm!..”

“Ýaşa, dünýäm!..”

“Ýaşa, dünýäm!..”

Adamyň daşgy sypaty we içgi sypaty!

Sorag .

Sorag .

Sorag .

SAÑA YNANÝAN

Sorag .