Öwreniji
 Kapiro [off]
 Şugün, 09:30
 Allah diýene Allah ýetişer

Ýaşuly professor sapagyna girişmänkä studentlere birlaý göz gezdirdi. Onuň nazary ahyryn 2-nji hatarda oturan görmegeý gyz-da saklandy. Professor ol gyza ýüzlenip :
—2-nji hatarda oturan,gök köýnekli gyz siziň adyňyz kim ?
Ol gyz gülümsiräp:—Meniň adym Aleksis —diýdi. Professor oňa ýüzlenip:
—Aleksis, siz meniň sapagymdan gidiň, men gaýdyp seni hijem öz leksýalamda göresim gelenok.
Aleksis professoruň bu sözüne birhili bolup:
—Menä hiç zada düşünemok,ol näme üçin beýle ?—diýip soraýar.Professor oňa:
—Men 2 gezek gaýtalasym gelenok, zatlaryňy alda çykyber,sag bol—diýýär. Aleksise zatlaryny ýygnap çykaýmasa başga alaç galmaýar.
Professor ol gidensoň biraz iki gapdala ýöräp,studentlere sorag berýär:
—Hany siz maňa aýdyň, kanun näme üçin gerek ? Kanunlaryň nämä geregi bar ?
Studentleriň biri:
—Sosial düzgün üçin—diýýär. Professor sesini çykarmaýar.Başga biri:
—Her bir adamyň şahsy hukuguny goramak üçin—diýýär.Professor oňada zat diýmeýär.Ýene student gyzlaryň biri:
—Döwlete bil baglamak üçin kanunlar gerek diýýär. Ýöne professory ol jogap hem kanagatlandyrmandyr. Student oglanlaryň biri:
—Kanun adalat üçin gerek—diýýär. Professor bu jogaby aýdana:
—Sag bol, ine dogry jogap —diýýär—Hany siz aýdyň ýaňy men siziň kursdaşyňyzy bärden kowup adalatsyz boldummy ? —diýýär. Studentler başlaryny atyp onuň adalatsyz bolanyny bildirýärler. Professor olara:
—Hawa, men adalatsyz boldum, ýöne näme üçin siziň hijiňiz meniň bu herekedime garşy bolmadyňyz, meni bu işden saklamaga çalyşmadyňyz ? Näme üçin siz bu adalatsyzlygyň öňüni almaga synaşmadyňyz ?
Studentler sesini çykarmandyrlar. Professor:
—Häzirki gysga wagtda bolan ýagdaýy siz men 1000 sagat leksýa okadan bolsam hem ony özüňizde synap görmän,duýman oňat düşünmezdiňiz . Siziň meni saklajak bolmadygyňyzyň sebäbi ol ýagdaýyň hut siziň özüňize degişli däldigi boldy. Maňa näme, maňa zat diýenok diýdiňiz.Ýöne beýle düşünje siziňem, siziň ýaşaýan durmuşuňyzyňam hem peýdasyna däldir. Siz adalatsyzlyk maňa degişli däl, men näme üçin oňa goşulaýyn diýdiňiz.
Meniň siziň aňyňyza guýmak isleýän zadym, eger siz adalatyň tarapynda bolup ony goldamasaňyz, irde-giçde sizem adalatsyzlyk bilen ýüzbe-ýüz bolarsyňyz we şonda sizi hem goldajak adam ýanyňyzda tapylmaz.

Rusça wideodan şahsy terjime.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!