Ýürekdeş sözler!
Bir arapdan_Bir şarapdan №9
ÖzümiziňkiBasmacy [off]
11.03.2026 / 05:59
Biziň azap çekmedik zadymyz, biziňki däldir...
6-7-nji klaskam Edebiýat kitabynda Keý Kowusyň "Kowusnama" eserinde şeýleräk sözler bolmaly:
- ALYM BOLMA, ADAM BOL
Muny iň bärkisi meň okanyma ençeme ýyl boldy, eseriň özüniň näçe ýyllyk taryhy ýatyrka?!
ALYM-a düşnükli, ADAM bolmak şunçalyk kynmykanaý diýip şol wagtam, häzirem pikir ekip ýörün. Diýýänsiňiz, ADAMdyr-da, el, aýak, göz, gulagy bar bolsa... Adam bolmak üçin diňe biologiki gurluşyň düzüw bolmagy ýeterlikmikä?! Ýeterlik däldir meň üçin-ä.. Çünki eli ýok golagada adam diýýäs, gözi gapygada diýýäs, dişi ýoga-da adam diýýäs-ä,, dogrumy?
Hiç kimiňem "Adam" diýilende göz öňüne ROBOT gelenok, özümiz ýaly adamy göz öňüne getirýäs.. Şonuň üçin diňe anatomiki taýdan adam hasap edilýänlere men-ä "SAN" diýýän...
Indi hakyky Adam bolmagymyz üçin üstüni doldurmaly ummansyz goşundylar bar. Ulanýan bir sözümiz bardyr "Adamçylyga sygýan zady etsene" diýip... Nämekä ol adamçylyga sygmaly we sygman daşynda galýan zatlar?? Muny her kim özüne sorag bersin...
*****
- GAHAR GELSE, AKYL GIDER
Haýsy zat adamda üstün bolsa, ana şol zat adamy dolandyryp durýar. Meselem, gahar-gazap sizde güýçli bolsa, hemişe gahar üstünde iş çözersiňiz we munyň zyýanyny özüňiz görersiňiz. (Gahar - akylyňy iýer diýilmeýärmi). Aslynda akyl bilen gahary basyş gerekdi we gahar akyla boýun synmalydy. Şonuň üçin akylyňyzy köpüräk işletseňiz, sizdäki iň üstün zat akyl bolar. Hemme zady akylyňyz bilen berjaý ediň.
Ýa-da nebis. Nebisjeňlik sizde üstün bolsa, nebis sizi dolandyrar...
Ybraýym Edhemiň r.a bir sözi bar (ýaňy-ýakynda eştdim) - gahar gelse akyl gider diýilýär. Indi göz öňüne getiriň, asly jahyl adamyň gahary gelse nämeler bolar? ..
Bu söz - gaty çuňňur oýa batyrýan söz. Çyndanam, adaty adamyň gahary gelse akylyna boýun synman, nämeleriň üstünden barmaýar?! Uruşýar, jenjenleşýär, şikest ýetirýär, göwün ýykýar... Indi bisowat, jahyl adamyň gazaby gozgasa, yzyny özüňiz bilýäňiz.. Oturyp pikir edýäň, dünýädäki uly jenaýatlar, ölümler, zorluklar nireden, nähili gelip çykýanyny bilse bolýar.
*****
«Потому что» BOLUBERIŇ ŞU KÄRIŇIZ BILEN
Kämahal işdeşler ýadowsyrap "jogapkärli zatdanam ýadadygaý, çöle gidip çopan bolup, mal bakanym gowy görýän, hem giňişlik, hem rahatlyk"-myş. Muny sizem eşidip görensiňiz. Munyň aýdyşyça 'çopançylyk' sadarak, kimiň eline egri taýak bereňde-de başarjak zady ýaly görünýär. Siziň üçinem şeýle gerek? Men çopançylygy iň bir çylşyrymly inženeriň işindenem jogapkärli we talapkärli görýän. Her bir adama çopançylygy, ýagny öri sürüni ynanyp bolmaýar. Çopançylygam ylym. Artykmaç ýa-da kem suwa ýakmak, iýmit ölçegi, ýa-da pasyllara görä meýdan böleklerini saýlamak haçandan bäri aňsat saýylýar.?!
Haýsy biriňiz çopançylyga höwes edýäňiz? Gidip görüň. 3 günem çydaman däliräp gaçyp gaýdarsyňyz...
 128 |
 29 |
 3 |
 7 |
 0 |
 0 |
 1 |
Teswirler:
ÖwrenijiKapiro [off]
Allah diýene Allah ýetişer
11.03.2026 / 08:47
+1
Çopançylykda iň kyn zat sürüni kabul edip alanyňda ýa bakyp ýörkäň bir goýun ýok bolsa şony bilmek. Bilmeýän adam ýüzlerçe goýunuň içinden 10-20 si bölünip gidsede bilmeýär. Bir çopan aýdýar öýden gelip goýunlara birlaý göz gezdirsem haýsy goýun ýok bolsa şony bilýän diýýär.
Premium
Orazjan [off]Sapby soranjaň
11.03.2026 / 21:46
+0
Şu döwürde adam bolmagam kynlaşýa
TäzejeGarrygyz [off]
У тебя есть козырь?! Рискни
12.03.2026 / 06:07
+0
Gahar usdi bilen diylen sozler edilen hereketler kawagt garshyñdakyñ yuzunem achayya oña näme diyjek hojam.
Birem indiki temamyz yok diyip bilmeyanler barada yok diyip basharmak ussatlygy barada bolaýsynda
Soňky teswirler
Ýagşylyk etseň ynsana, aylanyp deper ÿeňsäňe 3
Ýagşylyk et derýa at, balyk bilmese Halyk biler...dowamy...
God of War: Ghost of Sparta oýuny barada
Hemme platformada jemi 8 seriýasydagy bar öýdýän. Hatda nokia knopka telefonlardada bir setiýasy bolmaly...dowamy...
Ahwal
Ay bolya yazybersene islendik ishde kop synanyshmalar kamilleshdiryar diyyarler... (tanaman bir zatlar diyaydimem)...dowamy...
Durmuş romany
duygular, "Ýürekde müň bir roman bar, kagyzda bolsa hiç zat ýok"... (... kop komentarya yazjakdym emma pikirler dagap gitdi,)...dowamy...
Ýyldyza öwrülen gyzjagaz /hekaýa
mydama fantastica tragic gynandyrmalary garyp yazmak bilen hakykatdan uzak dushyan awtorlaryn maksady nameka? -okyjyny gynandyryp ozine cekmekmi...dowamy...
