Özümiziňki
 Minigim [off]
 Şugün, 00:59
 Lekum dinikum ve liye din

Owadanlyk bezemeýär adamy,
Owadan dogulma bagtly dogul.
Nesihatym hergiz ýadyňda bolsun,
Ýalan sözden mydam daş bolgun ogul.

Sylanlary syla müňlerçe esse,
Hiç kimi özüňden goýmagyn pesse,
Bir gün abraýdan wezipe ýetse,
Il günüň sarpasyn saklagyn ogul.

Gözüň dikme kesekiniň malyna,
Şükür eýle Allaň beren zadyna,
Ysnat getiräýmegin kakaň adyna,
Ýürek törüň imandan bezegin ogul.

Zar bolmagyn biminnetiň aşyna,
Her geleni üýşürmegin daşyňa,
Ejiz günüň dözjek ýok göz ýaşyňa,
Her ädimiň oýlap ätlegin ogul.

Namart bilen hiç agzyň deňeme,
Köpçülikde üns ber herbir sözüňe,
Haramçylykdan asla törüň bezeme,
Iýen nanyň halal çeýnegin ogul.

Bu durmuşda her gelene ynanma,
Ýalan dünýäň mal mülküne daýanma,
Ýene bir zat men-men diýip öwünme,
Men-menlikden mydam daşda dur ogul.

Guwançmyrat Şabaýew

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!