Kesgir sözler | YekeTak.Ru

Premium

BAYOGUL [on]

08.05.2024 / 13:19
Yurekdesh.ru

Ýapragyň niýeti gaçmakdy,
Güýzem oňa bahana boldy...

* * *

Käwagt gowy zatlaryň bolany üçin däl, erbet zatlaryň bolmaýanyna begenmeli...

* * *

Bir ýyl öňüni gören arpa-bugdaý eker.
On ýyl öňüni gören bag eker.
Ýüz ýyl öňüni gören okuw okar.

* * *

Düşünje - düşünilen durmuşdan başga zat däl.

* * *

Geçmiş - akylly hem biakyl ýaşalan günleriň mazarystanlygy.

* * *

Ölüm - dünýäniň geçirimsizligi.

* * *

Düýn işde adalat gözläp ýördüm, a bu gün iş gözläp ýörün.

* * *

Kim iýmek üçin ýaşaýar, kim ýaşamak üçin iýýär.

* * *

Biz gör näçe pyýalalarymyzy saglygyň şanyna göterdik, emma saglyk bizi götermedi.

* * *

Dünýäde artyk hem kem zat ýok. Seniň bir zadyň artsa, başga biriniň bir zady gowzaýar.

* * *

Perzi çykmana ymtylmaýan pyýadadan pyýada bolmaz.

* * *

Ahlagy bolmadyk ynsanyň eline näçe diplom berseňem, ol ýokary bilimli haýwan bolup galar.

* * *

Ýaşaýşy bolşy ýaly ýazmak - her bir şahyryň, ýazyjynyň ynsanlyk borjy.

* * *

Hiç bir adam ryskyny doly alýança ölmez.

* * *

Akyly açmak üçin köp okamaly, zehini açmak üçin köp oýlanmaly.

* * *

Bir zamanlar toprakdan Adam ýaradan Ýaradan, indi adamdan toprak ýaradýar.

* * *

Öňem bir patyşa "Näçe ýyl patyşa bolduň?" diýipdirler weli, "Ýedi ýyl" diýipdir. Ol özüniň çaga ýyllaryny aýdypdyr.

* * *

Ýürek ýadan wagty der gözden akar.

* * *

Adam puluny ýitirse garyp, erkinligini ýitirse ýesir, söýgülisini ýitirse şahyr bolýan eken.

* * *

Öwlüýä - hesretli durmuşdan dynan adamlaryň mesgeni.

* * *

Kakam maňa "Mekdepdäki bahalaryň ählisi bäşlik bolsa, saňa tigir alyp berjek" diýipdi, men hem dörtlik aldym. Çünki, kakamyň tigir almaga puly ýokdy.

* * *

Hudaý garyplary bolmanda gymmat düşjek günälerden gorap saklaýar.

* * *

Çaşy körleriň arasynda soltandyr.

* * *

Hemme hakykatlar hakykata öwrülmänkä ýönekeý bir hyýaldan ybaratdyr.

143

Forum | GÜRRÜŇDEŞLIK | Erkin mowzuklar

GELNEJEM

GELNEJEM

GELNEJEM

GELNEJEM

Катюша

Катюша

Катюша

Gara Saçyň Dökülipdir Döşiňe

С праздником! С 9 мая!

Ýalňyş yşk-my?