Öwreniji
 yurekdesh [off]
 Düýn, 21:45

Sen düşýärsiň ýadyma

Güýz sowulyp, gyşlar garyn sepende,
Arman bolup, sen düşýärsiň ýadyma.
Guşlar ýurdun taşlap, uçup gidende
Kalbym boşap, sen düşýärsiň ýadyma.

Arzuwlam durna deý uçup gidipdir,
Ýazlar bilen bile göçüp gidipdir,
Umytlam topragy guçup gidipdir,
Düýne dönsem, sen düşýärsiň ýadyma.

Gadyryny bilmän bagtly günleriň,
Sülleripdir ekip giden gülleriň,
Kä günleri, arka daňyp gülberim,
Ýola çyksam, sen düşýärsiň ýadyma.

Toý tomaşa bolsa, üýşse dost ýarlar,
"Arkaç Aýnam" aýdyp, çekilse tarlar,
Arşdan arman bolup, ýaganda garlar,
Ýüzüm ýuwup, sen düşýärsiň ýadyma.

Amangeldiýewa Aýna

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!