Täzeje
 Dreamfull [off]
 10.05.2024 / 23:48

Käte görünmeýär her bakýan ýeriň
Gözýetime el ýetmeýär, göz bilen
Ertire umytly garan günleriň
Aňsat ýaly taryp etseň söz bilen
Könelen kitap deý dörüler ömrüň

Az bolsun tozanly sahypaň sany
Aşagy çyzylan jümleler görner
Aklyň gamaşdyrýan umman mysaly
Seredersiň gögüň çuňluklaryna

Gözüň ýuman wagtyň görüner asman
Böwsersiň ýyldyzly umytlaryňa
Käte görüp bilýäň hiç ýere bakman

Açylar gözleriň, bakarsyň kämil
Ters garasaň ak görersiň garany
Eýsem gara gözüň garasy dälmi
Yza tesip, dörjek bolýan ýarany

Durmuş görülmeýär, duýulýar diňe
Geçýär göz salymda, ýakynam ýadam,
Her görýän elbetde bakýandyr siňe,
Görüp bilmez ýöne her bakýan adam.

Teswir ýazmak üçin Içeri giriň ýa-da Agza boluň →!