Täzeje
 Pandajyk [off]
 13.05.2026 / 10:52

Bir gezek gartaşan bir adam awtobusda barýarka, gapjygyndan pul çykaryp, petek (bilet) alýar. Şol wagt gapjygy ýere gaçýar, ýöne ol muny duýmaýar. Awtobusdan düşüp, biraz ýöräninden soň gapjygynyň ýokdugyny bilýär. Içinde bolsa barja puly we iň zerur resminamalary bar eken.
Adam yzyna ylgap barýar, ýöne awtobus eýýäm gidipdi. Ol bir gyrada oturyp: "Nätsemkäm? Indi hemmesi gutardy" diýip, gussa batýar. Şol wagt ýanyna bir ýaş ýigit gelip:
— Daýy, siz bir zat ýitirdiňizmi? — diýip soraýar.
Adam:
— Hawa, oglum, gapjygyňy ýitirdim, içinde hemme zadym bardy — diýip jogap berýär.
Ýigit gapjygy oňa uzadyp:
— Ine, men muny ýoldan tapdym. Içini barlap görüň, hemmesi ýerindemi? — diýýär.
Adam gapjygy barlap görse, hatda bir teňňe-de kem däl eken. Ol ýigide minnetdarlyk bildirip, biraz pul bermekçi bolýar. Emma ýigit puldan ýüz öwürýär we şeýle diýýär:
— Daýy, maňa pul gerek däl. Men diňe bir zady bilesim gelýär: Gapjygyňyzy ýitireniňizde, ony tapjakdygyňyza ynanýardyňyzmy?
Adam biraz dymyp:
— Ýok, oglum, men "indi tapylmaz" diýip, umydymy üzüpdim — diýýär.
Ýigit ýylgyryp:
— Durmuşda iň uly ýalňyşymyz — umydymyzy çalt üzmekdir. Eger sabyr edip, gowy zada garaşsak, durmuş hemişe garaşylmadyk sowgatlary taýýarlap goýandyr.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!