Täzeje
 Pandajyk [off]
 Şugün, 10:56

Gaty gadym däl, emma durmuşyň iň agyr ýyllarynyň birinde bir garyp oglanjyk öýme-öý aýlanyp, ownuk-uşak zatlary satyp, okuwy üçin pul toplaýardy. Bir gün onuň garny gaty ajygypdy, ýöne ýanynda bir teňňesi hem ýokdy. Ol indiki gapyny kakanda, bir kimseden iýmit soramagy ýüregine düwen hem bolsa, gapyny açan ýaş gyzy görende utanyp, diňe bir käse suw sorap bildi.
Gyz oglanjygyň halyna seredip, onuň açdygyny duýdy we suwuň ýerine uly bir käse süýt getirdi. Oglanjyk süýdi höwes bilen içip, soňra:
— Size näçe bergi boldum? — diýip soraýar.
Gyz bolsa ýylgyryp:
— Siz bize hiç zat bergi dälsiňiz. Ejemiz bize edýän ýagşylygymyz üçin hiç haçan hak sormazlygy öwretdi — diýip jogap berýär.
Oglanjyk bu öýden diňe garny doýup däl, eýsem adamlara bolan ynamy has-da güýçlenip gaýdýar.
Aradan ýyllar geçýär...
Şol ýaş gyz gaty erbet kesele duçar bolýar. Ýerli lukmanlar oňa kömek edip bilmänsoň, ony uly şäherdäki meşhur bir hassahana iberýärler. Hassahananyň iň ökde lukmany, doktor Howard Kelli ony bejermek üçin çagyrýar. Lukman hassanyň haýsy şäherdendigini eşidende, gözleri ýanyp gidýär we derrew onuň palatasyna barýar. Ol özüne ýyllar öň süýt beren şol gyzy tanaýar.
Doktor Kelli gaty uly tagalla edip, gyzyň ömrüni halas edýär. Aýlar geçip, gyz sagalyp hassahanadan çykjak bolanda, oňa tölere garaşýan uly hasaby (şotuň) gelýär. Gyz hasaba seretmäge gorkýar, sebäbi ony tölemäge tutuş ömrüniň ýetmejekdigini bilýärdi. Ýöne hasabyň gyrasynda elýazma bilen ýazylan bir bellige gözi düşýär:
"Bu hasabyň tölegi ýyllar öň bir käse süýt bilen doly tölendi."

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!