| YekeTak.Ru

Ýürekdeş sözler!

Zuhra : Isdemem Melek falan bana bi kandi galsin

Forum | GÜRRÜŇDEŞLIK | Erkin mowzuklar

Täzeje
yegelekov04 [off]

17.05.2026 / 15:27

“Sessiz Signal”

Ýyl: 2047
Ýer: Germaniýa, Berlin — Neo-Sektor 9

Gijäniň ýarydy. Berliniň asmany indi öňküsi ýaly ýyldyzly däldi. Asman doly reklama hologramlary, dronlaryň gyzyl çyralary we howada ýüzýän maglumat ekranlary bilen dolup durdy. Adamlar köçede kän görünmeýärdi — köpüsi öýünde VR dünýäsinde ýaşaýardy.
19 ýaşly Albert dar, sowuk otagynda üç monitorly kompýuteriň öňünde otyrdy. Penjiräniň daşynda ýagyn ýagýardy. Ekranyň ýüzünde müňlerçe kod akyp geçýärdi.
Albert daşary ýurtly studentdi. Ene-atasyndan daşda, ýaşlykdan kompýuterleri gowy görýän, IT ugruny öwrenýän ýönekeý oglandy. Ilki onuň maksady diňe güýçli programmaçy bolmakdy. Emma dünýä üýtgäpdi.
Gelejekde iň gymmat zat pul däl-di. Maglumat.
Bir gün ol universitet forumlarynda gizlin ulanyjynyň goýýan habarlaryna gabat geldi:
“Hakykaty görmek isleýäňmi? Surface internet seni aldaýar. Hakyky dünýä aşakda.”
Soňkynda diňe bir salgy bardy.
DarkWeb.
Başda diňe gyzyklanma üçin girdi.
Soňky günler bolsa bu onuň endigine öwrüldi.
Ol ýerde hökümet maglumatlary satylýardy. Gizlin biotehnologiýa taslamalary, nanochip ulgamlary, adamlaryň saglyk maglumatlary...
2040-njy ýyllardan soň dünýäde agyr hassalyklar üçin täze tehnologiýa çykypdy: Nanochip Implantlar.
Adam bedenine goýulýan mikrochipler ýürek, beýni we gan aýlanyşygyny dolandyryp bilýärdi. Rak, ýürek ýetmezçiligi, newrologik näsazlyklar — köpüsini gözegçilikde saklaýardy.
Emma her ulgam ýaly, olaryň hem gowşak tarapy bardy.
Tor.
Bir gije DarkWeb forumyndaky topar Alberta ýazdy.
— “Seniň networking bilişiň güýçli görünýär. Synag işine gatnaşjakmy?”
Albert ilki gorkdy.
— “Näme synag?”
Jogap gysga boldy:
— “Nanochip maglumatlaryny çykarmak.”
Ol özüni ynandyrdy:
“Men diňe öwrenýän… hiç zat etjek däl… diňe test.”
Soňky birnäçe hepde onuň ukysy gaçdy. Kod ýazdy. Şifrleri döwmäni öwrendi. DarkWeb-däki adamlaryň arasynda tanalyp başlady.
Olara “GhostNode” diýýärdiler.
Bir gije ulgamda täze tabşyryk geldi.
Fransiýa. Pariž. Hususy klinika.
Maksat: näsaglaryň nanochip ulgamyndan diagnostik maglumat almak.
“Diňe maglumat,” diýip ýazypdy toparyň ýolbaşçysy.
Albert VPN gatlaklaryny açdy. Kwant proksilerini işjeňleşdirdi. Kod işläp başlady.
Ekranda ýüzlerçe hassanyň ID belgileri peýda boldy.
Biriniň ady gözüne ildi:
Émile Laurent — 63 ýaş — Ýürek nano-support implant.
Albert diňe maglumat çekjek boldy.
Ýöne serwer goragy garaşylmadyk ýagdaýda garşylyk görkezdi.
Terminalda gyzyl ýazgy peýda boldy:
“LOAD CONFLICT — DEVICE SYNCHRONIZATION ERROR”
— “Ýok… ýok…” diýip Albert pyşyrdady.
Ol connection-y kesmäge synanyşdy.
Emma giçdi.
Chip ulgamyna güýçli maglumat nagruzkasy gitdi.
Soňky sekuntda monitoring maglumatlary peýda boldy:
Heart Rhythm: unstable
Cardiac overload
Emergency failure
Birden ekran gara boldy.
Soňky habar çykdy:
PATIENT STATUS: DECEASED
Albertiň elleri titreýärdi.
— “Bu… bu mümkin däl…”
Ol diňe oturgyjynda doňup galdy.
Penjiräniň daşyndaky ýagyn sesi has güýçlendi.
Soňky birnäçe gün ol uklap bilmedi.
Bir adamyň ölümi...
Bir nätanyş adam.
Emma onuň sebäbi özi bolupdy.
Ol özüni aklamaga synanyşýardy:
“Men öldürmek islemedim…”
“Men diňe maglumat aljak boldum…”
“Bu meniň günäm däl…”
Emma içindäki başga ses aýdýardy:
“Sen düwmä basdyň.”
Bir gije ol hassanyň profilini gizlin açdy.
Émile Laurent.
Iki agtygy bar eken.
Soňky wideo ýazgysy bardy.
Goja adam kamera seredip ýylgyrýardy:
“Lina, men tiz wagtdan öýe bararyn.”
Albert monitor öňünde aglap başlady.
Şol pursatdan soň ilkinji gezek DarkWeb oňa güýç ýaly däl…
garaňky çukur ýaly görünip başlady.
Ýöne mesele bardy.
Ol çykyp bilmeýärdi.
Sebäbi DarkWeb topary eýýäm oňa ýazyp başlapdy:
“GhostNode… sen indi diňe synagçy däl.”
“Soňky işiňe taýyn bol.”

Dowamy bar…