Täzeje
 yegelekov04 [off]
 Şugün, 01:20

“Sessiz Signal” — 2-nji bölüm

Otag garaňkydy.
Diňe monitorlaryň gök ýagtylygy Albertiň ýüzüne düşýärdi.
Soňky dört gün bäri ol diýen ýaly uklamandy. Gözleriniň aşagy garalypdy. Elleri titräp durdy.
Émile Laurent-niň ölümi onuň aňyndan çykmaýardy.
Her gezek gözüni ýumanda şol ýazgy görünýärdi:

PATIENT STATUS: DECEASED

Birden monitor çyrpyldap gitdi.

Internete baglanyşyk kesildi.
Wi-Fi öçdi.
Telefon signaly ýitdi.
Otagyň içindäki ähli elektronika bir pursatlyk sessiz boldy.
Soň ekranda gara fonda diňe bir setir peýda boldy:

> GHOSTNODE — SEN BIZDEN ÇYKYBILMERSIŇ

Albert doňup galdy.
— “Näme…?”
Soňky sekuntda täze habar açyldy.
Anonim wideo.
Maskaly adam garaňky otagda otyrdy.
Ses emeli aň arkaly üýtgedilipdi.
— “Bir adamyň ölmegi seni sarsdyrdymy?”
Albert derrew laptopy ýapmaga synanyşdy.

Emma ýapylmady.

Kamera öz-özünden açyldy.
Maskaly adam ýylgyrýan ýalydy.
— “Ýok, Albert… biz seni görýäris.”
Albert yzyna serpildi.

Boýnundan sowuk der akdy.

— “Siz kim?”

Jogap derrew geldi:

> BLACK VEIL



DarkWeb-iň iň gizlin toparlarynyň biri.

Olaryň ady diňe myş-myşdy.

Kimdir biri aýdýardy: olar hökümetleriň gizlin maglumatlaryny ogurlaýar.

Başga biri bolsa aýdýardy: olar adamlaryň durmuşyny dolandyrýar.

Emma hiç kim olaryň hakykatdan bardygyny subut edip bilmändi.

Maskaly adam ýuwaş aýtdy:

— “Soňky işiň nädogry gitdi. Emma seniň zehiniň güýçli.”

— “Men çykýan,” diýip Albert gahar bilen aýtdy.

— “Men muny dowam etjek däl.”

Birnäçe sekund sessizlik boldy.

Soň ekranda täze penjire açyldy.

Suratlar.

Wideo.

Albert doňup galdy.

Öz ýaşaýan jaýynyň daşyndan düşürilen suratlar.

Uniwersitet.

Kafede oturan wagty.

Hatda düýn marketden çykan pursady.

Soňky surat ony has beter sarsdyrdy.

Penjiräniň daşyndan düşürilen surat.

Şu gije.

Şu wagt.

Maskaly adam ýuwaş gürledi:

— “Çykmak isleýäňmi?”

— “Synap gör.”

Birden täze habar geldi.

> MISSION 002



Location: Şwesiýa — Stokgolm
Target: MedCore BioSystems
Objective: Maglumat çykarmak

Albert gaharly ýazdy:

> “Ýok.”



Soňky sekuntda ekrana täze faýl düşdi.

Ady:

EMILE_REAL.mp4

Albert saklandy.

Faýly açdy.

Klinikanyň gizlin kameralaryndan ýazgy.

Émile Laurent hassahanada eken.

Emma ýeke däl.

Gapynyň öňünde iki gara geýimli adam durdy.

Biri doktora bir zat berýärdi.

Soňky minutda nanochip ulgamyna daşardan bir signal iberilýär.

Monitor gyzaryp başlaýar.

Ýürek ritmi bozulýar.

Video durdy.

Soňky ýazgy çykdy:

> YOU DIDN'T KILL HIM. SOMEONE USED YOU.



Albertüň ýüregi güýçli urup başlady.

— “Bu… mümkin däl…”

Ol ýene wideony yzyna goýberdi.

Bu gezek bir zady gördi.

Signal iberilen IP belgisi.

Soňky location:

Berlin. Neo-Sector 9.

Şol ýer.

Özi ýaşaýan sektor.

Birden gapynyň daşynda ses eşidildi.

Tok. Tok. Tok.

Albert doňup galdy.

Gije sagat 03:14.

Bu wagtda hiç kim gelmeli däldi.

Telefonyna habar geldi:

> DON'T OPEN THE DOOR.



Soňky sekuntda ýene habar:

> THEY FOUND YOU FIRST.



Gapy ýene kakyldy.

Bu gezek has güýçli.

TOK! TOK! TOK!

Soňkynda bir ses eşidildi.

Pes, sowuk ses:

— “Albert… biz seniň bilen diňe gürleşmek isleýäris.”

Albert doňup galdy.

Sebäbi…

ol sesi tanady.

Bu…

Émile Laurent-niň wideodaky doktorydy.

Dowamy bar…

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!