Täzeje
 Alyhroz [3m]
 Şugün, 20:55
 Sen hic ejizleme durmus kyndyr ejizlere!!

Ýadadym diýme..

Ýalançyda aladasyz adam ýok,
Göwnüňde saklama ykbala kine.
Dünýäň diňe süýjüligin dadan ýok,
Şoň üçin durmuşdan ýadadym diýme.

Bardyr munda beterinden beteri,
Kabul etmek gerek hakdan ýeteni.
Haýyrlydyr wah onuň her bir edeni,
Şoň üçin durmuşdan yadadym diýme.

Kim bilipdir has öňünden geljegin,
Nämäni ýitirip näme aljagyn.
Bellimidir aglajagyň güljegiň,
Şoň üçin durmuşdan ýadadym diýme.

Bir meňzeş bolmaýar ümriň gülleri,
Gyş bilen synalýar ýazyň gülleri.
Kop dert çeker wah Allaň söýen gullary,
Şoň üçin durmuşdan ýadadym diýme.

Şanazar Hydyrow.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!