Sessiz söýgi | YekeTak.Ru

Ýürekdeş sözler!

Gerceknazar : Bu dünýede bagt bar-a köp sanly , Ony puldan gözlemeklik hökmanmy?! @Gerçeknazar

Forum | GÜRRÜŇDEŞLIK | Erkin mowzuklar

Sessiz söýgi

Täzeje
Gamzeli [off]

20.05.2026 / 13:43
Gözüňiz jübüt bolsun,yüzüňiz yeke#

Bir uniwersitetde okaýan talyp ýigit, kitaphana her gün gelýän, diňe bir çünkde oturyp kitap okaýan gyza aşyk bolýar. Ýigit gaty utanjaň bolansoň, gyzyň ýanyna baryp, söz aýtmaga utanya. Ol her gün gyzyň garşysyndaky stolda oturyp, oňa syn edýär, ýöne gyz hemişe gaty çynlakaý, hiç kime üns bermän diňe okaýardy.
Bir gün ýigit batyrlygyny jemläp, gyzyň okaýan kitabynyň arasyna gysgaça bir hat gysdyrýar: "Siziň gözleriňizdäki dünýäni tanasym gelýär. Eger garşy bolmasaňyz, bileje bir kofe içip bilerismi?"
Ertesi gün gyz kitaphana gelmeýär, ýigidiň gorkusy we gussasy ulalýar. Emma birnäçe günden soň gyz ýene gelýär we kitaby stoluň üstünde goýup, ýigide seredip gülüp gidýär. Ýigit ylgap baryp kitaby açýar. Kitabyň içinde hat bardy. Hatda şeýle sözler bardy:
"Men gürläp we eşidip bilemok, durmuşym diňe sessizlikden ybarat. Eger şu sessiz dünýäme girmek isleseňiz, men garşy däl."
Ýigit mundan gorkmady, tersine, şol günden başlap bütin ömrüni şol sessiz dünýäni owazlandyrmaga bagyşlady. Olar gürlemezden, diňe gözleri we kalplary bilen düşünişmegi öwrendiler.