Täzeje
 Hyyalbent [off]
 Düýn, 23:05

Arzyly gün

İlkinji duşuşyk,
Hoşlaşyk,
Hijran...
Ýer Günüň daşyndan aýlandy bir gez.
Bir melekdi gujagymda eljirän,
Ruhum hem bedenim unutmaz hergiz.

Biz Dünýäniň gijesinde tapyşdyk,
Ýalňyzlygyň gözlerine çöp atyp.
Düýşlermizde didarlaşdyk, öpüşdik,
Bagtam geläýmedi adymyz tutup.

Garaşmak ezýetli, lezzetli kesel,
Ölmez umyt tapdyk, wysal tapmadyk.
Gussaň girdabyna oklanda heser,
Arzuw hyýallardan şatlyk çöpledik.

Aýaklarym äkitmedi ýanyňa,
Ellerimem gysga saňa ýeterden.
Dert bolsada hasratlarym janyma,
Hamyla zenan deý kalpda göterdim.

Undup uzak ýoly her säher, her şam,
Aşyk gözlem sakçysydyr penjiräň.
Azan adym ýaly çykanok ýatdan,
Bir tomus gijesi duşuşyk,
Hijran...

© Süleýman TEKÄÝEW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!