Gerekli
 Dreamfull [off]
 16.01.2024 / 00:18
 Каждому нужен кто-то, кто его выслушает.

Tur, göwün, gideli,
gaşymyz çytman,
Ykbalyň ýalkajak, güljek ýerine.
Bu ýerlerden biziň tamamyz çykmaz,
Bu ýerler degenok alyn deriňe.

Haýsy kysmat bilen geldik azaşyp,
Göripleriň bagty çüwen ýerlere?!
Gara bagryň gidermikä badaşyp,
“Körlere” — yş, owaz bolup “kerlere”?!

Ýör, gideli, yzymyzda turuzyp
Bahyllara süýji-süýji gybaty.
Hemem olaň begenjini örüzip,
Gün bereli, ýaşasynlar ybaly.

Aýaklarna tiken çümüp nalanlar
Çüý bolup çümenin bilmez ýürege.
Haşal ot deý basar bizi nadanlar,
Ylym üçin dönsek ýelim-ýüpege.

Biziň bilen gurulmandy bu dünýä,
Bizsizem ýaşar ol!
Ýykylmaz!
Sarsmaz!
Ýör, göwün, gideli,
batma:ly ünjä,
Biziň üçin dünýäň gözýaşy sarkmaz!..

Akmyrat JUMAÝEW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!