DURMUŞYŇ KADASY ✏.

M.Yurekdesh.ru - 👉 Tanyşlyk Chat 👈
💥New chat..🗨 - üstünden basyp çata girip bilersiňiz:)

Ýürekdeş sözler!

BAYOGUL : İsle baý bol isle garyp senem bir gün daşyñ ýüzüne 2 setir bolup ýazylarsyñ ?

Forum | UMUMY BÖLÜM | Şygyryýet dünýäsi

DURMUŞYŇ KADASY ✏.

Özümiziňki
Perman [off]

16.01.2024 / 22:01

Bir ýigit baranmyş şahyr ýanyna, Beripdir şahyra bir täsin sowal, Diýenmiş:
"Gyzlar-a mydam näz edýär,
Oglanam näz çekyär bu niçik ahwal?!

Köp işi bitirýän elbetde oglan,
Köp zähmet çekýänem elbetde oglan,
Ýöne nämüçindir taryplanýanam,
Näzi çekilýänem şol saçy boglan?!

Ählije döreden goşgularňyzda,
Eposlarňyzda-da, romanlarda-da,
Gyz-a höküm sürýär, oglanam guly,
Oglanlar uçraýar erbet derde-de..."

Goşgujyk düzmegi ýüregne düwdi,
Şahyr diñledi-de ol ýeňil ýigdi.
Şol täze dörejek goşgujyk bilen,
Sapak bermekligem ýüregne düwdi.

Şahyryň döredýän bu eserinde,
Ýigid-ä näz edýär, gyzam çekýärdi.
Gözeliň gulluga gidýän pursaty,
Oglan aglamjyrap ýaşyn dökýärdi.

Goşgyny diňleyän hälki ýigidem,
Biraz geňirgendi, ýüzi çytyldy,
Özüni oňaýsyz duýup, dikelip,
Öñküje ýerinde ýene oturdy.

Şahyram sözüniň täsir edenin,
Duýdyda beterden beterin tapdy.
Täsinje döreyan hälki eserde,
Oglan gap-gaç ýuwdy, gyzam ýer depdi.

Şeýdip goşgudaky gahrymanlarmyz,
Bir-birini halap, gurdular durmuş.
Gyz-a ýaplanypjyk çaýyn süzýärmiş,
Oglanam çaý demläp hyzmatda ýörmüş.

Az wagtdan olaryň çagasy boldy,
Çagany-da ýigit ideg edip ýör.
Şahyryň goşgusyn diňläp birkemsiz,
Diňleýji oglany basdy gara der.

Şahyr ýene başlamakçy bolanda,
"Boldy, besdir" - diýip, ýigit dillendi,
Onsoň özün dürsäp ýigit birsellem,
Aýdylanlar hakda ol pikirlendi.

"Hä-ä, şeýle diýsene" - diýip ol ýigit,
Süpürdi maňlaýnyň çygjaran derni,
Diýdi: "Bu durmuşda deňdir her jübüt,
Tahyryň öz orny bar, Zöhräň öz orny..."