Gabanmaň🍃 | YekeTak.Ru

Yurekdesh.ru saýtynyñ android programmasy
Yeketak.ru - ýenede siz bilen

Ýürekdeş sözler!

Dana kishi aýdypdyr: - baýlyk bar aýbyñy ýapýar.

Forum | GÜRRÜŇDEŞLIK | Erkin mowzuklar

Gabanmaň🍃

Öwreniji
EjegyzS [off]

18.01.2024 / 20:40

Bir gelin adamsyn söýýán ekeni,
Örtenip,gabanyp, köýýän ekeni.
Adamsy bir gelne seredäýsede,
Zat ýok ýerden gaty görýän ekeni.

Ýogsa ýigit öz gelninden özgäni,
Söýmändirem,ýa söýjegem bolmandyr.
Maşgala adatyn,mukaddes däbin,
Ýeke gezek oýun edibem bozmandyr.

Gelin bolsa şol gabanyp ýörenmiş,
Ýaňky ýigit ahyr bir gün ölenmiş.
Ajaldan öldümi ýa-da hezretden,
Ýa ýersiz igençden,ýa ýalan gepden.

Belli däl ol bize,bize mälimi,
Ýaňky gelin ýitiripdir ärini.
Hasratdan saralyp-solupdyr gelin,
Aglap saçlaryny ýolupdyr gelin.

Kyrk gün soň,ärini o dünýä ýollan,
Şol gelin barypdyr ýanyna mollaň.
Diýipdir:"Mollam,ötgün günämi,
Siz görüp bilýäňiz iki dünýäni.
O dünýäde ärim neneňdir?
Halyn aýdyp meni begendir."

Molla kitap açyp atypdyr palyn,
Ýeňletmäne gelniň ejiz ahwalyn.
Diýipdir:"Bir zady bilýäs elbetde,
Seň eziz adamyň jaýy jennetde.

Uçmakda hüýr gyzlar alypdyr daşyn,
Arkaýyn bol,gyzym,seniň ýoldaşyň.
Hezil edip,keýp çekip gezip ýör onda,
Arman bormy hüýr gyz söýen oglanda?

Gelin tutaşypdyr mollaň öňünde,
Göz ýaş däl-de,ot çykypdyr gözünden.
Diýipdir:"Munda hesret çekip ýörkä aýaly,
Kimmişin ol jennetde keýp çeker ýaly?!

Hüýr gyzlaň elinden alaryn ony,
Baryp men dowzaha salaryn ony."
Diýip gelin,gazap bilen turanmyş,
Molla bolsa şol aňňalyp duranmyş.

Ol gabanyp ýigdi,behişt gyzyndan,
Gidenmişin öz äriniň yzyndan.

*Awtoryny bilemok. Bilýän bolsaňyz aýdyň.