Dünýäniň öňdebaryjy uniwersitetleri...

Premium

Bayogul [on]

03.07.2024 / 17:49
Yurekdesh.ru

Leland Stenford Junior uniwersiteti, Stenford uniwersiteti diýlip hem tanalýan, San-Fransiskodan 40 km günorta-gündogar uzaklykda, ABŞ-nyň Koliforniýa ştatynda ýerleşýän hususy ýokary okuw mekdepleriniň biridir. Uniwersitet häzirki wagtda dünýäde iň uly býudjetli 3-nji uniwersitetdir. Bu ýokary okuw mekdebinde hukuk, işewürlik we lukmançylyk ýaly ugurlarda bilim berilýär. Onuň düzüminde Stenford ýokary biznes mekdebi, şeýle hem, ylmy-barlag institutlary ýerleşýär. Bu ýokary okuw mekdebiniň uçurymlary “Yahoo!”, “Google”, “Electronic Arts”, “Cisco Systems”, “Nvidia”, “Sun Microsystems”, “Silicon Graphics” we “Hewlett-Packard” ýaly dünýä belli kompaniýalary esaslandyrdylar. Bu uniwersiteti demir ýol kompaniýasynyň eýesi we Koliforniýanyň gubernatory bolan Leland Stenford we aýaly Jeýn Stenford esaslandyrdy. Uniwersitetiň ady, Stenford maşgalasynyň ýeke ogly, 16 ýaşynda taýf gyzzyrmasy sebäpli aradan çykan Leland Stenford Jr.-yň hatyrasyna goýuldy.

Kembrij uniwersiteti Beýik Britaniýanyň Kembrij şäherinde ýerleşýän döwlet gözleg uniwersitetidir. 1209-njy ýylda esaslandyrylan bu ýokary okuw mekdebi iňlis ýurtlarynda 2-nji we dünýäde bolsa 4-nji gadymy mekdepdir. Oksford uniwersitetinde ýerli ilat bilen düşünişmezlik netijesinde, ol ýerden göçüp gaýdan akademikler tarapyndan döredilen bu ýokary okuw mekdebiniň Oksford uniwersiteti bilen gaty meňzeşligi bardyr. Häzirki wagtda ýygy-ýygydan duş gelinýän «Oksbrij» adalgasy hem şondan gelip çykandyr. Bu ýokary okuw mekdebi 31 sany kollejden we 100-den gowrak akademiki bölümden ybaratdyr. Uniwersitetiň taryhy binalary bolsa şäheriň çar tarapyna ýaýran, olaryň köpüsi özüniň owadanlygy we gadymylygy bilen meşhurdyr. Angliýada iň ýokary okuw mekdepleriň biri bolan Kembrij «altyn üçburçlyk» ady bilen tanalýar. Şeýle hem, unwersitetde Fitzwilliam muzeýi we botanika bagy ýaly sekiz sany sungat, medeniýet we ylmy muzeýler ýerleşýär. Bu gadymy ýokary okuw mekdebinde görnükli matematikler, alymlar, ykdysatçylar, ýazyjylar, filosoflar, aktýorlar we belli syýasatçylar uçurym bolan, olaryň 92-den gowragy hem Nobel baýragynyň eýesi bolan.

Oksford uniwersiteti Beýik Britaniýanyň Oksford şäherinde ýerleşýän ýokary okuw mekdebidir. Onuň döredilen senesi näbelli bolsa-da, 1096-njy ýylda bu şäherde bilimiň bardygyny subut edýän resminamalar tapyldy. Oksford uniwersiteti dünýäniň iň gadymy hem-de Britan adalarynyň ilkinji ýokary okuw mekdebidir. 1209-njy ýylda Oksford halky bilen düşünişmezlikleriň netijesinde käbir alymlar demirgazyk-gündogardaky Kembrij şäherine baryp, ol ýerde Kermbrij uniwersitetini döretdiler. Şeýle hem, bu ýokary okuw mekdebi dört topara bölünen 39 kollejden we akademiki bölümlerden ybarat. Uniwersitetiň binalarynyň we desgalarynyň hemmesi diýen ýaly şäher merkezinde ýerleşýär. Uniwersitetde dünýäniň iň gadymy muzeýi, Aşmoleý muzeýi hem-de Angliýanyň iň uly kitaphanasy bardyr. Bu gadymy ýokary okuw mekdebiniň iň görnükli uçurymlarynyň köpüsi Nobel baýragynyň eýeleri bolan, Angliýanyň 27 premýer-ministri we köp sanly daşary ýurt baştutanlaryny öz içine alýar.

Garward uniwersiteti ABŞ-nyň Massaçusets ştatynyň Kembrij şäherinde ýerleşýän we dünýäde öňdebaryjy uniwersitetleriniň biri hökmünde ykrar edilen hususy ýokary okuw jaýydyr. 1636-njy ýylda döredilen we «Aýwi ligasynyň» (Ivy League) agzasy bolan Garward uniwersiteti ABŞ-da henizem bilim berýän iň gadymy ýokary okuw mekdebidir. Onuň ady 1639-njy ýylyň 13-nji martynda «Garward kollejine» üýtgedildi. Bu adyň üýtgemegi, ilkinji dolandyryjysy John Garwardyň ölüminden gysga wagt soň bolup geçýär. Şol ýyllarda bu ýokary okuw mekdebinde John Garwardyň wesýeti boýunça içinde 400-den gowrak kitap bolan kitaphana döredildi, häzirki wagtda bu kitaphanada 15 milliondan gowrak kitap bar. Bu görkeziji diňe bir uniwersitetiň kitaphanasyny dünýäniň iň uly akademiki kitaphanasy bolan bilen çäklenmän, eýsem, dünýäniň ähli kitaphanalarynyň arasynda ilkinji bäşlige girmegini hem gazanýar. Mundan başga-da, Garward uniwersitetinde 2400 akademik, 6700 bakalawr we 12400 aspirant bar. Bu ýokary okuw mekdebiniň mugallymlary, talyplary ýa-da işgärleri Nobel baýragynyň 75-siniň ýeňijisi boldy.

183

Forum | UMUMY BÖLÜM | Dünýä täzelikleri

Soragnama logiki

Soragnama logiki

Soragnama logiki

Soragnama logiki

Soragnama logiki

Soragnama logiki

)😁Degisme

Doganyňdyr

Atamyň

Ykbal Bolmady