Biwepa köp eken (4-nji bölüm)

Özümiziňki
Gerceknazar [off]

23.07.2024 / 17:31
Ýüregini ýazyp ýören ýazyjy

Biwepa köp eken (4-nji bölüm)

Söýgüşiler güni

Eliň gülli nirä barýaň?
Aljyraýaň hem tolgunýaň
Söýgüliler güni bu gün ,
Şony bilmän nirde bolýaň?

Wah ýadyma düşmämdir,
Söýgüliň jan garaşýandyr.
Ol seni küýseýär bu gün ,
Bar belki içiň gysýandyr.

Söýgüliler gününde,
Aýdym aýdalyň.
Şol ýara, aýdymmyzy,
Sowgat edeliň.

Şu aýdymy diňläp Meret şadyýanlyk bilen mekdebe barýardy. Ol bu gün adatdakylardan hem görmegeý görünmäge çalyşdy. Akja köýnegi bir kemsiz ütüklije , garaja kastýum balagy täze ýalydy. Saçyny ýörüte salona girip daratmasada , özbaşdak saçyny owadan darajak bolup aýnaň öňünde esli wagt eglendi. Täze alan gymmatbaha atyryndan gysganman sepindi. Bu gün onuň üçin örän üýtgeşik günleriň biridi. Sebäbi bu gün söýgüliler günidi. Söýgülisi ýoklar üçin bu gün adaty bir gün bolmagy mümkin , ýöne onuň üçin beýle däldi . Çünki onuň söýgülisi bardy. Ol söýgülisiniň ýanyna barmana howlugyp , tolgunyp barýardy . Şol söýýän gyzy Mährime sowgadyny ýatdan çykarmady. Onuň sowgady 100 manat pul bilen , gyzylja bägüldi. Hatda ol öten agşam ýörüte Mährime bagyşlap goşgy hem düzüpdi. Ol goşgusyny hem sowgatlarynyň arasyna goşdy.Merediň pikiriçe dünýäde puldan gowy sowgat ýokdy. Sebäbi pul bilen köp zatlary satyn alyp bolýar. Ol puly Mährime uzadyp :
-Ine şuňa islän zadyňy al- diýmekçidi.Ine-de Meret mekdebe geldi. Mekdebe geleninde Merediň klasdaş oglanlary BAYOGULYŇ daşynda üýşüşip durdular. Meret hem olaryň ýanyna baryp seretse BAÝOGUL halaýan gyzyna alan sowgadyny , soňky model , özi üçin köne beýlekiler üçin täze Iphone telefony hemmelere güjeňläp görkezip durdy. Ony görüp Merediň bada-bat sussy basyldy. Ol klasdaşlary bilen salamlaşyp bir çetde ýylgyrjyrap duruberdi. Howwa hakykatdanam ýüz manat şol telefonyň ýanynda juda az pul. Ýöne Meret şol puly gazanmak üçin 4-5 günläp günüň aşagynda pagta ýygyp zordan üýşürip ýüz manada ýetiripdi. Jaň kakylyp birinji sapaga girilende bolsa BAÝOGUL sowgadyny hemmelere göz edip Aýnabada gowşurdy. Muny görüp käbir oglanlar söýýän gyzyna şeýle sowgat alyp bilmeýänine , käbir gyzlar bolsa özlerine şeýle sowgat edilmeýänine kemsindiler. Käbirleri bolsa ony içinde saklap bilmän daşyna çykardy:
-Gyran degen , biz-ä şeýdip sowgat edýänem ýok
-Şony aýtsana
Bu ýerde esasanam Anamalianyň içi ot bilen ýalyndy. Ol öz halaýan oglanynyň başga birine sowgat berýänine içi ýanýardy. Aslynda ol kim baý bolsa şony halaýardy. Emma etli ganly bolansoň klasynda " çişik " lakamyny alan Selbi 05 göwni giň , päli pesdi. Ol:
-Menä-rä şu wagt ýüreginden çykaryp ýandak sowgat etselerem begenerdim -diýdi. Ony eşidip göwni açyp Arabchik , Bireýsel mugallymyň partasyndaky güli aldy-da Selbi 05 uzatdyp:
-Ine saňa menden sowgat -diýdi . Selbi 05 hakykatdanam muňa monça bolup :
-Sag bol - diýip aldy. Soň ýasama güli ýene-de Bireýsel mugallymyň partasynda goýmaly boldy. Meret bolsa öz sowgadyny Mährime gowşurmagyň aladysyny edýärdi. Ol söýgüliler gündi söýgülisi bilen gürleşesi , gülüşesi gelýärdi. Bu gün diňe oglanlar däl käbir gyzlar hem halaýan ýigitlerine sowgat taýýarlap goýupdylar. Dreamfull bilen Perki hemmeleri gizlinlikde söýgi söhbetlerini gurap sowgat alyp berişdiler . Dördünji sapak gutarandan soň Merede amatly pursat döredi.Arakesmede Jasmin jorasy bilen barýan Mährimiň ylgap yzynda ýetdi.
-Mährim garaşaýda
Mährim bu tanyş sese gaňrylyp yzyna öwrüldi. Meret bada-bat sowgady Mährime uzadyp :
-Ine, saňa sowgat - diýip gyzylja bägül bilen bukja salynan goşgusyny we 4-5 günläp işläp gazanan ýüz manat puluny uzatdy. Mährim güli görüp ýylgyrdy-da:
-Wii-diýdi-Men-ä saňa sowgadam almandyryn Öňünden aýdan bolsaň bir zatlar taýýarlardyma . Meret :
-Zyýany ýok -diýip tüýs ýürekden ýylgyrdy . Mährimiň jorasy Jasmin :
- Ýigrimi üçinji fewral ýetip gelýär. Şonda sowgat edersiňdä-diýipdi.Meret Mährimiň sowgady güler ýüz bilen kabul edenine juda begenip ýene-de Mährim bilen degişip-gülüşip söýgi söhbetlerine başlasy geldi.
-Sowgat hökman däl-ä Mährimiň özi meniň ömrüme sowgat
Mährim bu sözlere gyzaryp bir enaýy ýylgyrdy . Meret söhbetiniň yzyny dowam etdi.
-Düýn agşam söýgüliler günine bagyşlap goşgy ýazdym
Mährimiň jorasy Jasmin saklanyp bilmän:
-Düzen goşguňy okap berdä -diýip ýylgyrdy. Meret goşgusyny heniz doly ýat tutmanlygy üçin kisesinden telefony alyp , telefona belläp goýan goşgusyny okamana başlady.

SÖÝGÜLILER GÜNI

Dynman ýagýar akja gar , bu gün söýgüliler güni
Söýgüliler güniň bilen gutlaýaryn söýgülim
Görüp bilmedim seni , haýyş bagyşla meni
Söýgüliler güniň bilen gutlaýaryn söýgülim

Çagyrdyň ýöne seniň ýanňa baryp bilmedim
Şol garaja gözlerňi ýene görüp bilmedim
Kalbymdaky söýgümi käşgä senem bilsediň
Şonda meniň halyma düşünerdiň söýgülim

Saňa sowgadym bolsun şu ýazylan setirlem
Bu jepaly yşgyň jebrin ýalňyz ýürek götermez
Meret aýdar aşyk bolan gol gowşuryp oturmaz
Agşam ýanyňa barjak garaş maňa söýgülim

-Gowy goşgy bolupdyr-diýip Jasmin tirsegi bilen çalaja Mährime degdi. Mährim:
-Aý boljak , erbet däl - diýip gülümsüredi
-Erbet däl diýen bolup göwnüň ýetmedik bolýarmy? Bizä şeýdip goşgy ýazýanam ýok, sowgat berýänem ýok...
Bular şeýdip degişip-gülüşipe dükana tarap ýöräberdiler...

(4-nji bölümiň soňy, dowamy bar )

© Gerçeknazar AMANNAZAROW