Täzeje
 Id_327 [off]
 30.08.2024 / 17:44

Senä hem sagada gaýgyly bakyp,
Gizlinje yşgymy ýüregme bukyp,
Ýene derdimi ak kagyza döküp,
Seni ýatlap, bu gün aglasym geldi.

Göremde, gözlermiň parlaýşyn ýatlap,
Görmesem, gözleriň idelşin ýatlap,
Öňe geçjek bolup gatydan ätlän,
Ädimlermi ýatlap, aglasym geldi.

Adymy tutmasaň bakmadyk bolup,
Gözellere baksaň görmedik bolup,
Düýşümde müň gezek söýýärin diýip,
Huşda diýmänime aglasym geldi.

Öň seretmän geçen günlerme dönüp,
Gözlerimi gyrpman bakasym geldi.
Sensiz geljek bolýan günleri alyp,
Dowzahyň oduna ýakasym geldi.

"Sen anyk söýýäňmi?" diýseler maňa,
Senli ýekeje gün berseler maňa,
Ýa bagtly geljege yrardym seni,
Ýa-da ýüregime gömerdim seni.

Aýtäç Satlykowa.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!