Ya Alla Özün goldawer Synaglarynda, Senin Gazabyndan gorkup Yene sana Sygynyaryn.! Ya Rebbim!

Premium
 Admin [on]
 25.01.2024 / 00:55
 Başarmajak oýnuňy oýnap oturma jan jigim!

Arada işden soň teke bazaryndan ugran 16-lyk awtobusa mündüm. Adam köpdi. Awtobus esli aralygy geçip, ˝Parahat˝ mikroraýonyna golaýlap barýardy. Birdenkä öňki hatarda jaýlaşykly oturan garry ene:
- Oglum, biz tekä ýetemzokmy? – diýdi.
Muňa hemmelerem aňkarylyp seretdi. Dogrusy menem geň galdym.
- Siz ýalňyş münüpsiňiz garry ene, zyýany ýok, häzir duralgada düşäge-de, ýoluň aňry ýüzüne geçip garşyňdan gelýän 16-lyga münüň, tekä bararsyňyz diýdim.
- Wah, men garrydan aýyp etmäň, meň huşum gursun, 16-lyk barýar diýseler onuň haýsy ugra gidýänini soramandyrynam – diýdi-de, garry ene huşundan zeýrenip awtobusdan düşüp galdy.
Men ertesi ýene-de işden soň şol awtobusda hälki garry enä gabat geldim.
- Neneň düýn ýalňyşman tekäni tapdyňyz dälmi? – diýip soradym. Ol uludan bir dem aldy-da:
- Tapma nämişlesin? Asyl adamlaryň arasynda tekäniň nirdeligini bilýänem ýok. Düýnden bäri ol awtobusdan beýleki awtobusa münüp, halys boldum, oglum. Ahyry nätdim diýsene, öýe - Tejene tilpun etdim. Gowja edibem tekäniň salgysyny aldym. Häzirem şoňa barşym…
Bu wakadan soň esli gün geçipdi. Onda-da şol garry enäniň ýüz keşbi uzak wagtlap göz öňümden gitmedi. Bir günem duldegşir goňşym toý etdi. Hakyt şol gürrüňini edýän garry enem-de toýuň arzyly myhmanlarynyň biri bolup törde otyr.. Wah, men näbileýin,˝Teke Myradyň myhmany˝ diýse, men ony ilki duşanda elin getirip gowşurjak ahyryn. Arman beýle diýmedi-de, ol häzirem ˝Bolsa-da Tekäni tapdym˝ diýip dur.

✏ Goçy ANNASÄHEDOW, ýazyjy.

Teswir ýazmak üçin Içeri giriň ýa-da Agza boluň →!