Özümiziňki
 Fantom [off]
 07.01.2024 / 19:06
 Ýalňyzlyk diňe emosional ýagdaý däl, eýsem fiziologik stressordyr...

Diňle dostum ýaman bolsa aýalyň,
durmuşda köp bolar çeken zyýanyň,
köýüp gider arzuw bilen hyýalyň,
aýal öýde höküm sürse şeýle bor.

Aklyň haýran bolar çaşyp dargarsyň,
zeýrenersiň öz özüňe gargarsyň,
içiň ýanyp wagtyndan ir garrarsyň,
aýal öýde höküm sürse şeýle bor.

Etjek işiň üstüne gar ýagdyrar,
sygmajak ýeriňe depip sygdyrar,
çagalaň öňünde başyň egdirer,
aýal öýde höküm sürse şeýle bor.

Doganlaryň gele bilmez, çekiner,
gelenlerem, gelenine öküner,
hiç zat diýe bilmez, diliň sakynar,
aýal öýde höküm sürse şeýle bor.

Ojagyňda mydam tagam gaýnamaz,
gaýnasada göziň tagam saýlamaz,
eliňdede, birje teňňe oýnamaz,
aýal öýde höküm sürse şeýle bor.

Nurtagan ýamandan özün saklasa,
aýal öz ornunda borjun haklasa,
är aýal söwüşmän terse bakmasa,
ajap aýal hakda, dessan ýazsa bor...

awtor: Nurtagan pälwan. "Garadepe"

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!