Belki : Öñler gamlanan çagym ýylgyrmagyma sebäp bolýardyñ, indi ýylgyran çagym gamlanmagyma sebäp bolýarsyñ. #Belki

 Özümiziňki
 Gulmahrem [off]
 20.01.2025 / 11:23

Durmuş bazarynda çyn söýgiň nyrhy,
Beter gymmat boldumyka, aýdaýyň?!
Yürekdeş dostlaryň duşmandan parhy,
Beter gymmat boldumyka, aýdaýyň?!

Perzent ýigit çykdy, çagady ýaňy,
Gör, indi atypdyr kämillik daňy,
Ata - enesine ýekeje jaňy,
Beter gymmat boldumyka, aýdaýyň?!

Ýürek ejiz ýerde aň gerekligi,
Dost-duşman içinde şan gerekligi,
Doganyň dogana janserekligi,
Beter gymmat boldumyka, aýdaýyň?!

Çözülmez bolupdyr, indi düwünler,
Öýkelek bolupdyr, näzik göwünler,
Goňşy-goňşyň gatnaşygy bu günler,
Beter gymmat boldumyka, aýdaýyň?!

Gybatdan saklamak iki gulagy,
Sylaşykly etmek häsiýet, gylygy,
Aslynda her kimiň adamçylygy,
Beter gymmat boldumyka, aýdaýyň?!

Şöhrat Maşaripow

Teswir ýazmak üçin Içeri giriň ýa-da Agza boluň →!